Богородице прилежно ныне притецем ноты
К Богоро́дице приле́жно ны́не притеце́м,/ гре́шнии и смире́ннии, и припаде́м,/ в покая́нии зову́ще из глубины́ души́:/ Влады́чице, помози́, на ны милосе́рдовавши,/ потщи́ся, погиба́ем от мно́жества прегреше́ний,/ не отврати́ Твоя́ рабы́ тщи,// Тя бо и Еди́ну наде́жду и́мамы.
Ин тропарь, глас 4:
Н е умолчи́м никогда́, Богоро́дице,/ си́лы Твоя́ глаго́лати недосто́йнии,/ а́ще бо Ты не бы предстоя́ла моля́щи,/ кто бы нас изба́вил от толи́ких бед?/ Кто же бы сохрани́л до ны́не свобо́дны?/ Не отсту́пим, Влады́чице, от Тебе́,// Твоя́ бо рабы́ спаса́еши при́сно от вся́ких лю́тых.
П редста́тельство христиа́н непосты́дное,/ хода́тайство ко Творцу́ непрело́жное,/ не пре́зри гре́шных моле́ний гла́сы,/ но предвари́, я́ко Блага́я, на по́мощь нас,/ ве́рно зову́щих Ти:/ ускори́ на моли́тву и потщи́ся на умоле́ние,// предста́тельствующи при́сно, Богоро́дице, чту́щих Тя.
Ин кондак, глас 6:
Н е и́мамы ины́я по́мощи,/ не и́мамы ины́я наде́жды,/ ра́зве Тебе́, Влады́чице,/ Ты нам помози́,/ на Тебе́ наде́емся/ и Тобо́ю хва́лимся,// Твои́ бо есмы́ раби́, да не постыди́мся.
Ц ари́це моя́ преблага́я, наде́ждо моя́ Богоро́дице, прия́телище си́рым и стра́нным засту́пнице, бе́дствующих по́моще и озлобля́емых покро́ве, зри́ши мою́ напа́сть, зри́ши мою́ ско́рбь: отвсю́ду искуше́нием одержи́м е́смь, а заступа́ющаго несть. Ты у́бо Сама́ помози́ ми я́ко не́мощну, окорми́ мя я́ко стра́нна, наста́ви я́ко заблу́ждша, уврачу́й и спаси́ я́ко безнаде́жна.
Не и́мамы ины́я по́мощи, не и́мамы ины́я наде́жды, ра́зве Тебе́, Влады́чице, Ты нам помози́, на Тебе́ наде́емся и Тобо́ю хва́лимся, Твои́ бо есмы́ раби́, да не постыди́мся.
Под Твою́ ми́лость прибега́ем, Богоро́дице Де́во, моле́ний на́ших не пре́зри в ско́рбех, но от бед изба́ви нас, Еди́на чи́стая и благослове́нная. Ами́нь.
Д осто́йно есть / велича́ти Тя, Богоро́дице, / честне́йшую Херуви́м // и сла́внейшую без сравне́ния Серафи́м.
В елича́ем Тя, / Пресвята́я Де́во, / Богоизбра́нная Отрокови́це, / и чтим о́браз Твой святы́й, / и́мже то́чиши исцеле́ния // всем с ве́рою притека́ющим.
Источник
Канон Пресвятой Богородице, глас 4.
Тропарь, глас 4:
К Богоро́дице приле́жно ны́не притеце́м, / гре́шнии и смире́ннии, и припаде́м, / в покая́нии зову́ще из глубины́ души́: / Влады́чице, помози́, на ны милосе́рдовавши, / потщи́ся, погибáем от мно́жества прегреше́ний, / не отврати́ Твоя́ рабы́ тщи, / Тя бо и еди́ну наде́жду и́мамы.
Слава, И ныне: Не умолчи́м никогда́, Богоро́дице, / си́лы Твоя́ глаго́лати, недосто́йнии: / áще бо Ты не бы предстоя́ла моля́щи, / кто бы нас избáвил от толи́ких бед; / кто же бы сохрани́л до ны́не свобо́дны; / не отсту́пим, Влады́чице, от Тебе́, / Твоя́ бо рабы́ спасáеши при́сно от вся́ких лю́тых.
И́н кано́н пресвяте́й Богоро́дице. Гла́с 4.
Пе́снь 1
Ирмо́с: Отве́рзу уста́ моя́ и напо́лнятся Ду́ха, и сло́во отры́гну Цари́це Ма́тери, и явлю́ся све́тло торжеству́я, и воспою́ ра́дуяся Тоя́ чудеса́.
Припев: Пресвятая Богородице, спаси нас.
Ты́ Еди́на заступле́ние, и прибе́жище, и храни́тельница еси́ рабо́м Твои́м, Богороди́тельнице Чи́стая. Сего́ ра́ди припа́дающе вопие́м Ти́: спаси́ на́с, Влады́чице, милосе́рдием Твои́м.
Освяти́, Влады́чице, оскверне́нное се́рдце мое́, Я́же Пресвято́е Сло́во ро́ждшая, и су́щи все́х святе́йшая вы́шних си́л, Отрокови́це Всенепоро́чная.
Слава: Па́дших воззва́ние, и стоя́щих еси́ утвержде́ние, Всенепоро́чная. Те́мже молю́ся Ти́: па́дший мо́й у́м грехо́м испра́ви, Влады́чице, да сла́влю Тя́.
И ныне: Ме́ртва мя́ скорбьми́ и неде́йственна лежа́ща, ру́ку просте́рши по́мощи Твоея́ возста́ви, и Боже́ственнаго весе́лия испо́лнена покажи́ мя, Богороди́тельнице.
Пе́снь 3
Ирмо́с: Твоя́ песносло́вцы, Богоро́дице, живы́й и незави́стный исто́чниче, ли́к себе́ совоку́пльшыя духо́вно утверди́ в Боже́ственней Твое́й сла́ве венце́в сла́вы сподо́би.
Поми́луй, Пречи́стая Де́во, в пучи́не жите́йстей лю́те мя́ потопля́ема, и ко приста́нищу ти́хому спасе́ния испра́ви: Тя́ бо еди́ну наде́жду стяжа́х.
Ума́ моего́ тьму́ разори́, Богоро́дице, све́том и́же в Тебе́ я́ко Бла́га, и молю́ся: покая́ния мя́ о́бразы утверди́, я́ко ще́дра, и многоми́лостива, да спаса́ем ублажа́ю Тя́.
Слава: Кропле́нием ми́лости Твоея́, Де́во Богора́дованная, у́глие погаси́ мои́х страсте́й: и уга́сший свети́льник се́рдца моего́ возжзи́, златы́й све́щнице, Всенепоро́чная.
И ныне: Боля́щую лю́те страстьми́ окая́нную мою́ ду́шу, Богороди́тельнице, я́ко ми́лостивая посети́, и спаси́ мя моли́твами Твои́ми: я́ко да живо́т лу́чший получи́в велича́ю Тя́.
Тропарь, глас 2.
Моле́ние те́плое и стенá необори́мая, / ми́лости исто́чниче, мирови прибе́жище, / приле́жно вопие́м Ти: / Богоро́дице Влады́чице, предвари́, / и от бед избáви нас, / еди́на вско́ре предстáтельствующая.
Пе́снь 4
Ирмо́с: Неизсле́дный Бо́жий сове́т, е́же от Де́вы воплоще́ния, Тебе́ Вы́шняго, проро́к Авваку́м усмотря́я зовя́ше: сла́ва си́ле Твое́й, Го́споди.
Я́же всенепоро́чная Ма́ти Бо́жия, возсия́й ми́ покая́ния зарю́, разруши́ мра́к окая́нныя моея́ души́, и лука́вая помышле́ния се́рдца моего́ отжени́, Де́во.
Я́же благопреме́ннаго и благоуве́тливаго, Пречи́стая, Влады́ку ро́ждши, Де́вома́ти, я́ко блага́я, о на́с Того́ моли́ всегда́, от чужда́го изба́вити на́с.
Слава: Тя́ очисти́лище все́х челове́ков, ве́рою молю́ и прошу́, Благослове́нная: ми́лостива мне́ Судию́ Сы́на Твоего́ сотвори́, я́ко да во хвале́нии сла́влю Тя́.
И ныне: Име́я Тя́, Пречи́стая, помо́щницу всегда́ никого́ убою́ся, или́ устрашу́ся: кто́ же ли хотя́ ско́рбная принести́ рабу́ Твоему́, и не устраши́тся?
Пе́снь 5
Ирмо́с: Ужасо́шася вся́ческая о Боже́ственней сла́ве Твое́й: Ты́ бо Неискусобра́чная Де́во, име́ла еси́ во утро́бе над все́ми Бо́га, и родила́ еси́ безле́тнаго Сы́на, все́м воспева́ющым Тя́ ми́р подава́ющая.
Умерщвле́н страстьми́ и скве́рнами, Всенепоро́чная, к щедро́там Твои́м прибега́ю, и к те́плому Твоему́ притека́ю, Влады́чице, покро́ву и по́мощи: жи́знь еди́на ро́ждшая, се́рдце мое́ оживи́.
Просвети́ омраче́нное мое́ се́рдце, Пречи́стая, я́же светода́вца ро́ждшая, Бо́га вку́пе и челове́ка: Его́же я́ко ма́ти умоли́, пода́ти ми́ избавле́ние, Госпоже́, пре́жде стра́шнаго дне́.
Слава: Ума́ моего́ уврачу́й сокруше́ния, Всенепоро́чная, исцели́ стра́сти души́ моея́, и уны́ния тьму́ отжени́: я́ко да во хвале́нии Тя́ пою́ Присноблаже́нную, Богоро́дице Всепе́тая.
И ныне: Низложи́, Влады́чице, враго́в мои́х шата́ния: Тя́ бо еди́ну и́мам предста́тельницу и наде́жду, и по́мощь кре́пкую, Ты́ мя соблюди́, Чи́стая, вся́каго избавля́ющи мя́ те́х нахожде́ния.
Пе́снь 6
Ирмо́с: Возопи́, прообразу́я погребе́ние тридне́вное, проро́к Ио́на в ки́те моля́ся: от тли́ изба́ви мя́, Иису́се Царю́ Си́л.
Возсия́й ми́ покая́ния зарю́, Влады́чице, и о́блаки злы́х помышле́ний мои́х разори́, о́блаче Со́лнца Пра́веднаго Присноде́во.
Утоли́ страсте́й мои́х свире́пую во́лну, и бу́рю злы́х помышле́ний укроти́, приста́нище вели́кое обурева́емых Присноде́во.
Слава: Напо́й мя́ умиле́ния питие́м, Влады́чице, сле́з ре́ки мне́ ны́не подаю́щи: и́миже угашу́ пла́мень ве́чнующий, Еди́на Всепе́тая.
И ныне: Изсуша́ющи зо́л мои́х свире́пую пучи́ну, ро́ждшая бла́гости вои́стинну пучи́ну, наста́ви мя́ ко приста́нищу Боже́ственныя во́ли.
Кондак, глас 6:
Предстáтельство христиа́н непосты́дное, / ходáтайство ко Творцу́ непрело́жное, / не пре́зри гре́шных моле́ний глáсы, / но предвари́, я́ко Благáя, на по́мощь нас, / ве́рно зову́щих Ти; / ускори́ на моли́тву, и потщи́ся на умоле́ние, / предстáтельствующи при́сно, Богоро́дице, чту́щих Тя.
Простри́ дла́ни Твоя́, и́миже всех Влады́ку я́ко Младе́нца прия́ла еси́ за мно́жество бла́гости, / не оста́ви нас, всегда́ наде́ющихся на Тя, бо́дренною Твое́ю моли́твою, / и неисче́тною просты́нею уще́дри нас, / и пода́ждь душа́м на́шим милосе́рдие Твое́, во ве́ки источа́ющи, / Тебе́ бо и́мамы гре́шнии Засту́пницу от находя́щих на ны бед и зол. / Но я́ко иму́щи милосе́рдия щедро́ты, / ускори́ на моли́тву и потщи́ся на умоле́ние, / предста́тельствующи при́сно, Богоро́дице, чту́щих Тя.
Пе́снь 7
Ирмо́с: Спасы́й во огни́ Авраа́мския Твоя́ о́троки, и халде́и уби́в, я́же пра́вда пра́ведно уловля́ше, препе́тый Го́споди Бо́же оте́ц на́ших, благослове́н еси́.
Любо́вию притека́ю мно́гою под святы́й Тво́й покро́в, не отврати́ мене́ тща́: но да́ждь ми́, Пречи́стая, оставле́ние прегреше́ний, и спаси́ мя, да ви́девше врази́ мои́ посра́мятся.
Не убою́ся зла́, Ты́ бо со мно́ю еси́, Де́во: пожену́ враги́, я́же неща́дно мене́ гоня́щыя, и побежду́ си́лою Твое́ю укрепля́ем, Мари́е Богороди́тельнице.
Слава: И́маши е́же мощи́ при́сно все́х, я́ко ро́ждши Влады́ку, влады́чествия мя́ сла́стнаго и страсте́й свободи́, да пою́ ра́дуяся: ра́дуйся, престо́ле вы́шняго, Благослове́нная.
И ныне: Тя́ еди́ну покрови́тельницу и́мам на земли́ Тво́й ра́б, и по́мощь вои́стинну спаси́тельную и тве́рдую, Пречи́стая, богопросла́вленная: и к Тебе́ прибега́ю, спаси́ мя от се́тей ловя́щих, Богороди́тельнице.
Пе́снь 8
Ирмо́с: О́троки благочести́выя в пещи́ Рождество́ Богоро́дичо спасло́ е́сть: тогда́ у́бо образу́емое, ны́не же де́йствуемое, вселе́нную всю́ воздвиза́ет пе́ти Тебе́: Го́спода по́йте дела́ и превозноси́те Его́ во вся́ ве́ки.
Блу́дно житие́ ижди́в, и вся́кую нечистоту́ соде́лав, трепе́щу суди́ща, трепе́щу истяза́ния, трепе́щу и отве́та осужде́ния моего́, Чи́стая: я́же судию́ ро́ждшая, предста́ни ми́ тогда́, и изба́ви мя́ ну́жды.
На Тя́ всю́ наде́жду спасе́ния моего́ возложи́х, Богома́ти неискусобра́чная, и Тебе́ на по́мощь призыва́ю всегда́: спаси́ мя от печа́лей и напа́стей врага́, и разреши́ плени́цы зо́л мои́х, и ве́чныя тьмы́ исхити́ мя.
Слава: В ча́с, Де́во, конца́ моего́ руки́ бесо́вския мя́ исхити́, и суда́ и пре́ния, и стра́шнаго испыта́ния, и мыта́рств го́рьких, и кня́зя лю́таго, Богома́ти, и ве́чнаго осужде́ния.
И ныне: Соблюди́ раба́ Твоего́, Де́во, от вся́каго наве́та чужда́го, Тя́ бо и́мам Влады́чице, покро́в и заступле́ние, прибе́жище и утвержде́ние: и Тебе́ ра́ди ча́ю изба́витися се́тей врага́, еди́на Предста́тельнице ро́да челове́ческаго.
Пе́снь 9
Ирмо́с: Вся́к земноро́дный да взыгра́ется Ду́хом просвеща́ем, да торжеству́ет же безпло́тных умо́в естество́, почита́ющее свяще́нное торжество́ Богома́тере, и да вопие́т: ра́дуйся, Всеблаже́нная Богоро́дице, Чи́стая Присноде́во.
Ра́дуйся, я́же ра́дость ро́ждшая, Пречи́стая, су́щым на земли́ вои́стинну. Ра́дуйся, спаси́тельное приста́нище, и покро́ве притека́ющих к Тебе́. Ра́дуйся, ле́ствице чи́стая, возвы́сившая па́дших. Ра́дуйся, всеблаже́нная Богоро́дице, упова́ние душа́м на́шым.
Разруши́ па́жить греха́ моего́, оскверне́нныя моея́ души́ и телесе́, Богора́дованная Пречи́стая Влады́чице, си́льною моли́твою Твое́ю, о Всенепоро́чная, исцеле́ние да́вши спаси́тельное, Влады́чний стра́х Боже́ственный.
Слава: Ты́ мне́ просвеще́ние, Ты́ ми́ избавле́ние и ра́дование, Ты́ побо́рница моя́, Ты́ моя́ сла́ва и похвала́, и ча́яние спасе́ния моего́ еси́, Всенепоро́чная, и Тебе́ ве́рно покланя́юся, и вопию́ Ти: спаси́ мя окая́ннаго раба́ Твоего́, и от вра́т а́довых исхити́ мя.
И ныне: Спаси́ мя́, Чи́стая, Спа́са ро́ждшая и всеще́драго, уще́дри мя́ раба́ Твоего́, и к покая́ния пути́ наста́ви: лука́ваго собла́зны от среды́ отжени́, и того́ ловле́ния изба́ви мя́ и огня́ ве́чнаго, Пренепоро́чная, исхити́ мя́.
Молитва
Цари́це моя́ преблага́я, наде́ждо моя́ Богоро́дице, прия́телище си́рых и стра́нных предстáтельнице, скорбя́щих рáдосте, оби́димых покрови́тельнице! Зри́ши мою́ беду́, зри́ши мою́ скорбь, помози́ ми я́ко не́мощну, окорми́ мя я́ко стрáнна. Оби́ду мою́ ве́си, разреши́ ту, я́ко во́лиши: я́ко не и́мам ины́я по́мощи ра́зве Тебе́, ни ины́я предстáтельницы, ни благи́я уте́шительницы, то́кмо Тебе́, о Богомáти, я́ко да сохрани́ши мя и покры́еши во ве́ки веко́в. Ами́нь.
Источник
«К Богородице прилежно» — Чесноков Павел Григорьевич
Ошибка в тексте ?
Выделите ее мышкой и нажмите
Описание произведения.
«К Богородице прилежно» — духовное сочинение П.Г.Чеснокова для смешанного хора на слова тропаря( краткой молитвы) Пресвятой Богородице. Произведение праздничного, торжественного характера предназначено для концертного исполнения и является одновременно молитвенным прошением и хвалебным гимном Заступнице рода христианского. Как правило, в дни церковных праздников, посвященных Божией Матери, после причастного стиха исполняются праздничные «концерты» — так называются авторские произведения, подчеркивающие значимость и торжественность богослужения.
История создания.
С начала двадцатого века произведения П.Г.Чеснокова получили широкое распространение во всем мире – величие композитора очевидно. Особенно трогательны и любимы музыкантами и слушателями духовные сочинения композитора, многие из которых стали почти «народными», настолько прочно они вошли в репертуар хоровых коллективов. К таким произведениям относится концертное сочинение ««К Богородице прилежно». Оно требует от исполнителей большого мастерства и глубокого понимания смысла, иначе получится сумбурное нагромождение мелодических линий, непонятное слушателю. Таким образом, творчество П.Г.Чеснокова способствует более близкому знакомству слушателей и исполнителей с русской духовностью и культурой.
Отношение автора к вере.
Павел Григорьевич Чесноков родился в православной семье церковного регента и уже с пяти лет пел в хоре отца. Вся жизнь семьи Чесноковых строилась вокруг церковного богослужебного круга и Павел, вместе со своими братьями, не мыслил жизни вне церковного пения. Благочестивые традиции семьи он перенес на годы учебы в Синодальном училище, а впоследствии и на свою практическую деятельность в качестве церковного композитора. Получение светского музыкального образования по классам композиции и дирижирования позволило Павлу воплотить в жизнь самые смелые идеи – он написал оперу на библейскую тему «Потоп».
Как церковный дирижер, обладая обширными практическими и теоретическими познаниями, Павел Григорьевич создал бесценный труд – книгу «Хор и управление им». Можно сказать без преувеличения, что это сокровище, подаренное миру величайшим профессионалом, способно вывести русское хоровое пение, а особенно церковное на качественно новый уровень. Управление лучшими московскими церковными хорами, которые в то время поражали иностранцев звучностью, идеальным строем и тончайшими нюансами, сочинение церковных песнопений, которые и сегодня записываются лучшими коллективами мира, вера в русское хоровое пение и служение Богу до последнего вздоха – таким был великий дирижер и христианин Павел Григорьевич Чесноков.
Биография.
П.Г.Чесноков родился 25 октября 1877 года в селе недалеко от Воскресенска Московской области (сегодня г. Истра). С раннего детства начал петь в церковном хоре, а впоследствии, как и четверо братьев учился в Московском Синодальном училище, которое окончил в 1895 году с отличием. Одаренный юноша стремился приумножить знания, чтобы послужить Богу, и он решает брать уроки композиции у великих композиторов С.И. Танеева и М.М. Ипполитова – Иванова. В это время Павел вел активную преподавательскую деятельность в разных московских училищах и школах.
Почти десять лет с 1895 года по 1904 Павел Григорьевич был преподавателем московского Синодального училища. В это время он пробует свои силы в композиции и готовится к поступлению в Московскую консерваторию. С 1901 года по 1904 Чесноков служит помощником регента Синодального хора. Духовные произведения композитора приобретают широкую известность, и его в качестве регента на длительный период приглашает известный московский храм Троицы на Грязех, а Русское хоровое общество с 1916 по 1917 предложило Чеснокову пост директора капеллы.
Получив диплом Московской консерватории в 1917 году сразу по двум классам – композиции и дирижирования Павел Григорьевич принимает должность регента храма Василия Неокесарийского на Тверской, а еще через три года становится преподавателем дирижирования и хороведения в Московской консерватории – этот курс был основан им самим. И если должность регента он вынужден был оставить в 1928 году, то свои знания и опыт передавал будущим специалистам вплоть до преставления ко Господу. В военный 1944 год 14 марта у Павла Григорьевича случился обширный инфаркт в результате общего истощения организма и в этот же день он умер.
Как композитор Павел Григорьевич Чесноков создал более четырехсот духовных хоров (богослужебных и концертных) – великолепные переложения древних напевов, богатые «русскостью», а также более ста светских хоровых сочинений – переложения русских народных песен, хоры в сопровождении фортепиано для женского, мужского и смешанных составов и др. Он руководил хором Большого театра и известными московскими коллективами, но всегда печалился о судьбе Церкви – после 1928 года и затем уничтожения Храма Христа Спасителя, в котором он был регентом композитор не смог больше писать духовную музыку.
П.Г.Чесноков сделал для Русской Православной Церкви и мировой музыкальной культуры необычайно много – его хоровые сочинения занимают одно из первых мест в мире по самобытности, мелодичности и индивидуальному стилю. Чесноков был строг к себе и с особым усердием готовился к богослужению – подбор профессиональных голосов и многочасовые репетиции позволили ему выйти на самый высокий уровень церковного пения. В настоящее время лучшие мировые коллективы считают за честь исполнять произведения композитора – часть из них есть в записи.
Лучшим послесловием жизнеописания П.Г.Чеснокова можно считать этот отрывок из некролога опубликованного в журнале московской Патриархии: ««. П. Г. Чесноков оставил нам неподражаемые образцы высокого религиозного вдохновения, которое тихим пламенем горело в нём всю его жизнь. Не стремясь ни к каким внешним эффектам, Чесноков окрылял слова молитвенных прошений и славословий простейшими мелодиями, звучащими из глубины чистой и совершенной гармонии. Его музыка чужда земных страстей, и земная мысль не проникает в глубину простых и строгих созвучий. Этот замечательный композитор осмыслил церковную музыку как молитвенные крылья, на которых наша душа легко возносится к престолу Всевышняго.»
Автор текста: Веткина Анастасия Александровна.
Текст.
К Богоро́дице приле́жно ны́не притеце́м, гре́шнии и смире́ннии, и припаде́м, в покая́нии зову́ще из глубины́ души́: Влады́чице, помози́, на ны́ милосе́рдовавши, потщи́ся, погиба́ем от мно́жества прегреше́ний, не отврати́ Твоя́ рабы́ тщи́, Тя́ бо и еди́ну наде́жду и́мамы.
К Богородице ныне усердно прибегнем мы, грешные и смиренные, и к Ней припадем, в покаянии взывая из глубины души: «Владычица, помоги, над нами сжалившись, поспеши, мы погибаем от множества согрешений! Не отпусти Твоих рабов ни с чем: ибо в Тебе имеем мы единственную надежду!»
Источник