Кондак триоди глас 3 ноты

ОСМОГЛАСНИК. ГЛАС 3. Текст на церковно-славянском языке

ОГЛАВЛЕНИЕ.
1. Господи воззвах и Да исправится молитва моя, киевский распев (стр.1)
2. Господи воззвах Стихиры первая, вторая и все припевы (стр.2)
3. Господи воззвах. Догматик (стр.4)
4. Стихиры на стиховне первая и вторая, и все припевы (стр.6)
5. Богородичен на стиховне (стр.7)
6. Бог Господь (стр.8)
7. Тропарь воскресный (стр.9)
8. Богородичен тропарный (стр.9)
9. Кондак воскресный (стр.10)
10. Прокимен утрени (стр.11)
11. Ирмосы воскресного канона (стихирный напев) (стр.12)
12. Свят Господь Бог наш (стр.16)
13. Всякое дыхание (стр.16)
14. Хвалитные стихиры первая, вторая и все припевы

ТРОПА́РЬ ВОСКРЕ́СНЫЙ, ГЛАС 3:
Хор: Да веселя́тся небе́сная,/ да ра́дуются земна́я;/ я́ко сотвори́ держа́ву мы́шцею Свое́ю Госпо́дь,/ попра́ сме́ртию смерть,/ пе́рвенец ме́ртвых бысть;/ из чре́ва а́дова изба́ви нас,// и подаде́ ми́рови ве́лию ми́лость. (Дважды)
Перевод
Да веселится все небесное, / да радуется все земное, / ибо явил могущество руки Своей Господь: / попрал смертию смерть, / сделался первенцем из мертвых, / из чрева ада из-бавил нас / и даровал миру великую милость.

Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь.

БОГОРО́ДИЧЕН ВОСКРЕ́СНЫЙ (ПО ГЛА́СУ «СЛА́ВЫ»), ГЛАС 3:
Тя хода́тайствовавшую Спасе́ние ро́да на́шего,/ воспева́ем, Богоро́дице Де́во;/ пло́тию бо от Тебе́ восприя́тою Сын Твой и Бог наш,/ Кресто́м вос-прии́м страсть,// изба́ви нас от тли, я́ко Человеколю́бец.

Перевод

Тебя, как Посредницу спасения рода нашего, / воспеваем, Богородица Дева, / ибо пло-тию, от Тебя принятою, Сын Твой и Бог наш, / на Кресте претерпев страдания, / избавил нас от тления, как Человеколюбец.

Источник

Кондак триоди глас 3 ноты

В неделю о мытаре и фарисее

Ф арисе́ева убежи́м высокоглаго́лания,/ и мытаре́ве научи́мся высоте́ глаго́л смире́нных,/ покая́нием взыва́ющ е:/ Спа́се ми́ра,// очи́сти рабы́ Твоя́.

Ин кондак, глас 3:

В оздыха́ния принесе́м мыта́рская Го́сподеви,/ и к Нему́ присту́пим гре́шнии, я́ко Влады́це:/ хо́щет бо спасе́ния всех челове́ков,/ оставле́ние подае́т всем ка́ющимся,/ нас бо ра́ди воплоти́ся,// Бог сый, Отцу́ Собезнача́льный.

В неделю о блудном сыне

О те́ческая сла́вы Твоея́ удали́хся безу́мно,/ в злых расточи́в, е́же ми пре́дал еси́ бога́тство./ Те́мже Ти блу́днаго глас приношу́:/ согреши́х пред Тобо́ю, О́тче Ще́дрый,/ приими́ мя ка́ющася,// и сотвори́ мя я́ко еди́наго от нае́мник Твои́х.

Родительская суббота, мясопустная

Г лубино́ю му́дрости человеколю́бно вся стро́яй, / и поле́зная всем подава́яй, / Еди́не Соде́телю, упоко́й, Го́споди, ду́шы раб Твои́х, / на Тя бо упова́ние возложи́ша, // Творца́ и Зижди́теля и Бо́га на́шего.

Богородичен, глас 8:

Т ебе́ и сте́ну и приста́нище и́мамы, / и Моли́твенницу благоприя́тну к Бо́гу. // Его́же родила́ еси́, Богоро́дице Безневе́стная, ве́рных спасе́ние.

С о святы́ми упоко́й,/ Христе́ ду́ши раб Твои́х,/ иде́же несть боле́знь, ни печа́ль,/ ни воздыха́ние,// но жизнь безконе́чная.

Тропари по непорочных, глас 5:

Б лагослове́н еси́ Го́споди, / научи́ мя оправда́нием Твои́м.

С вяты́х лик обре́те исто́чник жи́зни / и дверь ра́йскую, да обря́щу и аз путь покая́нием: / поги́бшее овча́ аз есмь, // воззови́ мя Спа́се и спаси́ мя.

Б лагослове́н еси́ Го́споди, / научи́ мя оправда́нием Твои́м.

А́ гнца Бо́жия пропове́давше, / и закла́ни бы́вше я́коже а́гнцы, / и к жи́зни нестаре́емей святи́и / и присносу́щней преста́вльшеся: / Того́ приле́жно, му́ченицы, моли́те, // долго́в разреше́ние нам дарова́ти.

Б лагослове́н еси́ Го́споди. / научи́ мя оправда́нием Твои́м.

В путь у́зкий хо́ждшии приско́рбный, / вси в житии́ крест я́ко яре́м взе́мшии, / и Мне после́довавшии ве́рою, / прииди́те, наслади́теся, / и́хже угото́вах вам по́честей // и венце́в небе́сных.

Б лагослове́н еси́ Го́споди, / научи́ мя оправда́нием Твои́м.

О́ браз есмь неизрече́нныя Твоея́ сла́вы, / а́ще и я́звы ношу́ прегреше́ний: / уще́дри Твое́ созда́ние, Влады́ко, / и очи́сти Твои́м благоутро́бием, / и вожделе́нное Оте́чество пода́ждь ми, // рая́ па́ки жи́теля мя сотворя́я.

Б лагослове́н еси́ Го́споди, / научи́ мя оправда́нием Твои́м.

Д ре́вле у́бо от несу́щих созда́вый мя, / и о́бразом Твои́м Боже́ственным почты́й, / преступле́нием же за́поведи / па́ки мя возврати́вый в зе́млю, из нея́же взят бых, / на е́же по подо́бию возведи́, // дре́внею добро́тою возобрази́тися.

Б лагослове́н еси́ Го́споди, / научи́ мя оправда́нием Твои́м.

У поко́й, Бо́же, рабы́ Твоя́, / и учини́ SYMBOL 183 \f «SvobodaFWF» \s 10 я́ в раи́, / иде́же ли́цы святы́х, Го́споди, / и пра́ведницы сия́ют я́ко свети́ла: / усо́пшыя рабы́ Твоя́, упоко́й, // презира́я их вся согреше́ния.

С ла́ва Отцу́ и Сы́ну и Свято́му Ду́ху.

Т рисия́тельное Еди́наго Божества́ / благоче́стно пое́м, вопию́ще: / свят еси, О́тче Безнача́льный, / Собезнача́льный Сы́не и Боже́ственный Ду́ше: / просвети́ нас, ве́рою Тебе́ служа́щих, // и ве́чнаго огня́ исхити́.

И ны́не и при́сно и во ве́ки веко́в. Ами́нь.

Р а́дуйся, Чи́стая, / Бо́га пло́тию Ро́ждшая во спасе́ние всех, / Е́юже род челове́ческий обре́те спасе́ние: / Тобо́ю да обря́щем рай, // Богоро́дице Чи́стая Благослове́нная.

А ллилу́иа, аллилу́иа, аллилу́иа, сла́ва Тебе́, Бо́же. ( Трижды.)

П око́й Спа́се наш, / с пра́ведными рабы́ Твоя́, / и сия́ всели́ во дворы́ Твоя́, / я́коже есть пи́сано, / презира́я я́ко Благ прегреше́ния их / во́льная и нево́льная, // и вся я́же в ве́дении и не ве́дении, Человеколю́бче.

О т Де́вы возсия́вый ми́ру Христе́ Бо́же, / сы́ны све́та То́ю показа́вый, поми́луй нас.

По 6-ой песне канона

С ам Еди́н еси́ безсме́ртный, / сотвори́вый и созда́вый челове́ка, / земни́и у́бо от земли́ созда́хомся, / и в зе́млю ту́южде по́йдем, / я́коже повеле́л еси́ созда́вый мя и реки́й ми, / я́ко земля́ еси́ и в зе́млю оти́деши, / а́може вси челове́цы по́йдем, / надгро́бное рыда́ние творя́ще песнь: // аллилу́ия, аллилу́ия, аллилу́ия.

Стих: Д у́ши их во благи́х водворя́тся.

Стих: Б лаже́ни я́же избра́л, и прия́л еси́ Го́споди.

Прокимен на литургии, глас 6:

Д у́ши их / во благи́х водворя́тся.

Б лаже́ни, я́же избра́л и прия́л еси́, Го́споди,/ и па́мять их в род и род.

В неделю мясопустную

Е гда́ прии́деши, Бо́же, на зе́млю со сла́вою,/ и трепе́щут вся́ческая,/ река́ же о́гненная пред суди́щем влече́т,/ кни́ги разгиба́ются, и та́йная явля́ются:/ тогда́ изба́ви мя от огня́ неугаси́маго// и сподо́би мя одесну́ю Тебе́ ста́ти, Судие́ Пра́веднейший.

Прокимен, глас 3:

В е́лий Госпо́дь наш, и ве́лия кре́пость Его́,/ и ра́зума Его́ несть чи́сла.

Х вали́те Го́спода с небе́с,/ хвали́те Его́ в вы́шних.

Р а́дуйтеся, пра́веднии, о Го́споде,/ пра́вым подоба́ет похвала́.

(Память всех святых, в подвиге поста просиявших)

Б о́же оте́ц на́ших,/ творя́й при́сно с на́ми по Твое́й кро́тости,/ не оста́ви ми́лость Твою́ от нас,/ но моли́твами их // в ми́ре упра́ви живо́т наш.

Я́ ко благоче́стия пропове́дники,/ и нече́стия обузда́тели,/ Богоно́сных собо́р уясни́л еси́, подсо́лнечную осиява́ющия./ В ми́ре соверше́нном тех моли́твами,/ Тебе́ сла́вящия и велича́щия сохрани́,// пою́щия Ти, Го́споди: Аллилу́иа.

Прокимен, глас 4:

В осхва́лятся преподо́бнии во сла́ве / и возра́дуются на ло́жах свои́х.

Р а́дуйтеся, пра́веднии, о Го́споде,/ пра́вым подоба́ет похвала́.

В неделю сыропустную

П рему́дрости Наста́вниче, смы́сла Пода́телю,/ нему́дрых Наказа́телю, и ни́щих Защи́тителю,/ утверди́, вразуми́ се́рдце мое́, Влады́ко:/ Ты даждь ми сло́во, О́тчее Сло́во,/ се бо устне́ мои́ не возбраню́,/ во е́же зва́ти Тебе́:// Ми́лостиве, поми́луй мя па́дшаго.

Прокимен, глас 8:

П омоли́теся и воздади́те / Го́сподеви Бо́гу на́шему.

Х вали́те Го́спода с небе́с,/ хвали́те Его́ в вы́шних.

В неделю вечера

Прокимен, глас 8:

Н е отврати́ Лица́ Твоего́ от о́трока Твоего́, я́ко скорблю́, ско́ро услы́ши мя; вонми́ души́ мое́й и изба́ви ю́.

На Великом повечерии в 1-ю седмицу

Кондак Великого канона, глас 6:

Д уше́ моя́, душе́ моя́,/ воста́ни, что спи́ши?/ Коне́ц приближа́ется,/ и и́маши смути́тися:/ воспряни́ у́бо,/ да пощади́т Тя Христо́с Бог,// везде́ сый и вся исполня́яй.

Ирмосы Великого канона, глас 6

П омо́щник и Покрови́тель / бысть мне во спасе́ние,/ Сей мой Бог,/ и просла́влю Его́,/ Бог отца́ моего́,/ и вознесу́ Его́,/ сла́вно бо просла́вися.

В онми́, не́бо, и возглаго́лю,/ и воспою́ Христа́,/ от Де́вы пло́тию прише́дшаго.

В и́дите, ви́дите,/ я́ко Аз есмь Бог,/ ма́нну одожди́вый / и во́ду из ка́мене источи́вый дре́вле в пусты́ни лю́дем Мои́м / десни́цею и кре́постию Мое́ю.

Н а недви́жимом, Христе́,/ ка́мени за́поведей Твои́х / утверди́ мое́ помышле́ние.

У тверди́, Го́споди,/ на ка́мени за́поведей Твои́х / подви́гшееся се́рдце мое́,/ я́ко Еди́н Свят еси́ и Госпо́дь.

У слы́ша проро́к прише́ствие Твое́, Го́споди,/ и убоя́ся, я́ко хо́щеши от Де́вы роди́тися / и челове́ком яви́тися, и глаго́лаше:/ услы́шах слух Твой и убоя́хся:/ сла́ва си́ле Твое́й, Го́споди.

О т но́щи у́тренююща,/ Человеколю́бче,/ просвети́, молю́ся,/ и наста́ви и мене́ / на повеле́ния Твоя́,/ и научи́ мя, Спа́се,/ твори́ти во́лю Твою́.

В озопи́х всем се́рдцем мои́м / к ще́дрому Бо́гу,/ и услы́ша мя / от а́да преиспо́дняго,/ и возведе́ / от тли живо́т мой.

С огреши́хом, беззако́нновахом,/ непра́вдовахом пред Тобо́ю,/ ниже́ соблюдо́хом,/ ниже́ сотвори́хом,/ я́коже запове́дал еси́ нам,/ но не преда́ждь нас до конца́,/ отце́в Бо́же.

Е го́же во́инства Небе́сная сла́вят,/ и трепе́щут Херуви́ми и Серафи́ми,/ вся́ко дыха́ние и тварь,/ по́йте, благослови́те / и превозноси́те во вся ве́ки.

Б езсе́меннаго зача́тия / рождество́ несказа́нное,/ Ма́тере безму́жныя Нетле́нен Плод,/ Бо́жие бо рожде́ние обновля́ет естества́./ Те́мже Тя вси ро́ди,/ я́ко Богоневе́стную Ма́терь,/ правосла́вно велича́ем.

В субботу первую Великого Поста, вмч. Феодору Тирону

В е́лия ве́ры исправле́ния,/ во исто́чнице пла́мене, я́ко на воде́ упокое́ния,/ святы́й му́ченик Фео́дор ра́довашеся:/ огне́м бо всесожже́гся,/ я́ко хлеб сла́дкий Тро́ице принесе́ся.// Того́ моли́твами, Христе́ Бо́же, спаси́ ду́ши на́ша.

В е́ру Христо́ву, я́ко щит, внутрь прии́мь в се́рдце твое́м,/ проти́вныя си́лы попра́л еси, многострада́льче,/ и венце́м Небе́сным венча́лся еси́ ве́чно, Фео́доре,// я́ко непобеди́мый.

Прокимен, глас 7:

В озвесели́тся пра́ведник о Го́споде / и упова́ет на Него́.

В па́мять ве́чную бу́дет пра́ведник,/ от слу́ха зла не убои́тся.

В неделю первую Великого Поста, Торжество Православия

Т ропарь , глас 2:

П речи́стому о́бразу Твоему́ покланя́емся, Благи́й,/ прося́ще проще́ния прегреше́ний на́ших, Христе́ Бо́же,/ во́лею бо благоволи́л еси́ пло́тию взы́ти на Кре́ст,/ да изба́виши я́же созда́л еси́, от рабо́ты вра́жия./ Тем благода́рственно вопие́м Ти:// ра́дости испо́лнил еси́ вся, Спа́се наш, прише́дый спасти́ мир.

Н еопи́санное Сло́во О́тчее,/ из Тебе́, Богоро́дице, описа́ся воплоща́емь,/ и оскве́рншийся о́браз в дре́внее вообрази́в,/ Боже́ственною добро́тою смеси́,/ но испове́дающе спасе́ние,// де́лом и сло́вом, сие́ вообража́ем.

Б лагослове́н еси́, Го́споди, Бо́же оте́ц на́ших,/ и хва́льно и просла́влено и́мя Твое́ во ве́ки.

Х вали́те Го́спода с небе́с,/ хвали́те Его́ в вы́шних.

Р а́дуйтеся, пра́веднии, о Го́споде,/ пра́вым подоба́ет похвала́.

В неделю вечера

Д ал еси́ достоя́ние боя́щимся Тебе́, Го́споди.

Суббота вторая, третья и четвертая Великого поста

Тропарь , глас 2:

А по́столи, му́ченицы и проро́цы,/ святи́телие, преподо́бнии и пра́веднии,/ до́бре по́двиг соверши́вшии и ве́ру соблю́дшии,/ дерзнове́ние иму́ще ко Спа́су,/ о нас Того́, яко Бла́га, моли́те,// спасти́ся, мо́лимся, душа́м на́шим.

Тропарь , глас 2:

П омяни́, Го́споди, я́ко Бла́г, рабы́ Твоя́,/ и ели́ка в житии́ согреши́ша прости́:/ никто́же бо безгре́шен, то́кмо Ты,// моги́й и преста́вленным да́ти поко́й.

Богородичен, глас 2:

М а́ти Свята́я неизрече́ннаго Све́та, / а́нгельскими Тя пе́сньми почита́юще,// благоче́стно велича́ем.

Богородичен, глас 8:

Тропари по непорочных, глас 5:

Б лагослове́н еси́ Го́споди, / научи́ мя оправда́нием Твои́м.

Б лагослове́н еси́ Го́споди. / научи́ мя оправда́нием Твои́м.

Б лагослове́н еси́ Го́споди, / научи́ мя оправда́нием Твои́м.

С ла́ва Отцу́ и Сы́ну и Свято́му Ду́ху.

И ны́не и при́сно и во ве́ки веко́в. Ами́нь.

А ллилу́иа, аллилу́иа, аллилу́иа, сла́ва Тебе́, Бо́же. ( Трижды.)

О т Де́вы возсия́вый ми́ру Христе́ Бо́же, / сы́ны све́та То́ю показа́вый, поми́луй нас.

По 6-ой песне канона

Прокимны на литургии, глас 8:

В есели́теся о Го́споде,/ и ра́дуйтеся пра́веднии.

И глас 6: Д у́ши их / во благи́х водворя́тся.

Р а́дуйтеся, пра́веднии, о Го́споде,/ пра́вым подоба́ет похвала́.

Б лаже́ни, я́же избра́л и прия́л еси́, Го́споди,/ и па́мять их в род и род.

В неделю вторую Великого Поста, свт. Григория Паламы

Тропарь святителя, глас 8:

П равосла́вия свети́льниче,/ Це́ркве утвержде́ние и учи́телю, мона́хов добро́то,/ богосло́вов побо́рниче непребори́мый,/ Григо́рие чудотво́рче,/ Фессалони́тская похвало́, пропове́дниче благодати́,// моли́ся вы́ну спасти́ся душа́м на́шим.

Кондак святителя, глас 8:

П рему́дрости свяще́нный и Боже́ственный орга́н,/ богосло́вия све́тлую согла́сно трубу́,/ воспева́ем тя, Григо́рие богоглаго́льниче,/ но я́ко ум Уму́ пе́рвому предстоя́й,/ к Нему́ ум наш, о́тче, наста́ви, да зове́м:// ра́дуйся, пропове́дниче благода́ти.

Кондак Триоди, глас 4:

Н ы́не вре́мя де́лательное яви́ся, при две́рех Суд,/ воста́нем у́бо постя́щеся,/ принесе́м сле́зы умиле́ния,/ ми́лостынями, зову́ще:/ согреши́хом па́че песка́ морска́го,/ но осла́би, Соде́телю всех,// я́ко да прии́мем нетле́нныя венцы́.

Прокимен, глас 5:

Т ы, Го́споди, сохрани́ши ны / и соблюде́ши ны от ро́да сего́ и во век.

Прокимен святаго, глас 1:

У ста́ моя́ возглаго́лют прему́дрость,/ и поуче́ние се́рдца моего́ ра́зум.

Х вали́те Го́спода с небе́с,/ хвали́те Его́ в вы́шних.

В па́мять ве́чную бу́дет пра́ведник,/ от слу́ха зла не убои́тся.

В неделю вечера

Прокимен, глас 8:

В неделю третью Великого Поста, Крестопоклонную

С паси́, Го́споди, лю́ди Твоя́ / и благослови́ достоя́ние Твое́,/ побе́ды на сопрати́вныя да́руя,// и Твое́ сохраня́я Кресто́м Твои́м жи́тельство.

Н е ктому́ пла́менное ору́жие храни́т врат Еде́мских,/ на ты́я бо на́йде пресла́вный соу́з,/ дре́во Кре́стное,/ сме́ртное жа́ло, и а́дова побе́да прогна́ся,/ предста́л бо еси́, Спа́се мой,/ вопия́ су́щим во а́де:// вни́дите па́ки в рай.

Тропарь на поклонение Кресту и вместо Трисвятаго, глас 6:

К ресту́ Твоему́ покланя́емся, Влады́ко, и Свято́е Воскресе́ние Твое́ сла́вим.

Прокимен, глас 6:

С паси́, Го́споди, лю́ди Твоя́ / и благослови́ достоя́ние Твое́.

З на́менася на нас свет лица́ Твоего́, Го́споди.

В неделю вечера

Д ал еси́ достоя́ние боя́щимся Тебе́, Го́споди.

В неделю четвертую Великого Поста, прп. Иоанна Лествичника

Тропарь преподобного, глас 1:

П усты́нный жи́тель и телеси́ А́нгел,/ и чудотво́рец яви́лся еси́, богоно́се о́тче наш Иоа́нне,/ посто́м, бде́нием, моли́твою Небе́сная дарова́ния прии́м,/ исцеля́еши неду́жныя, и ду́ши ве́рою притека́ющих ти./ Сла́ва Да́вшему ти кре́пость,/ сла́ва Венча́вшему тя,// сла́ва Де́йствующему тобо́ю всем исцеле́ния.

Кондак преподобного, глас 4:

Н а высоте́ Госпо́дь воздержа́ния и́стинна тя положи́,/ я́коже звезду́ неле́стную, световодя́щую концы́,// наста́вниче, Иоа́нне, о́тче наш.

Прокимен преподобному, глас 4:

В осхва́лятся преподо́бнии во сла́ве / и возра́дуются на ло́жах свои́х.

Х вали́те Го́спода с небе́с, хвали́те Его в вы́шних.

В па́мять ве́чную бу́дет пра́ведник, от слу́ха зла не убои́тся.

В неделю вечера

Прокимен, глас 8:

Н е отврати́ лица́ Твоего́ от о́трока Твоего́, я́ко скорблю́, ско́ро услы́ши мя; вонми́ души́ мое́й и изба́ви ю́.

Суббота пятая Великого поста, Акафиста

П овеле́нное та́йно прие́м в ра́зуме,/ в кро́ве Ио́сифеве тща́нием предста́ Безпло́тный, глаго́ля Неискусобра́чней:/ приклони́вый схожде́нием Небеса́ вмеща́ется неизме́нно весь в Тя,/ Его́же и ви́дя в ложесна́х Твои́х, прие́мша ра́бий зрак,/ ужаса́юся зва́ти Тебе́:// ра́дуйся, Неве́сто Неневе́стная.

В збра́нной Воево́де победи́тельная,/ я́ко изба́вльшеся от злых,/ благода́рственная воспису́ем Ти раби́ Твои́, Богоро́дице,/ но я́ко иму́щая держа́ву непобеди́мую,/ от вся́ких нас бед свободи́, да зове́м Ти:// ра́дуйся, Неве́сто Неневе́стная.

Прокимен, глас 3:

В ели́чит душа́ Моя́ Го́спода,/ и возра́довася дух Мой о Бо́зе, Спа́се Мое́м.

Ч а́шу спасе́ния приму́,/ и и́мя Госпо́дне призову́.

В неделю пятую Великого Поста, прп. Марии Египетской

В тебе́, ма́ти, изве́стно спасе́ся е́же по о́бразу,/ прии́мши бо крест, после́довала еси́ Христу́,/ и де́ющи учи́ла еси́ презира́ти у́бо плоть, прехо́дит бо,/ прилежа́ти же о души́, ве́щи безсме́ртней.// Те́мже и со А́нгелы сра́дуется, преподо́бная Мари́е, дух твой.

Б луда́ми пе́рвее преиспо́лнена вся́ческими,/ Христо́ва неве́ста днесь покая́нием яви́ся,/ А́нгельское жи́тельство подража́ющи,/ де́моны Креста́ ору́жием погубля́ет./ Сего́ ра́ди Ца́рствия неве́ста яви́лася еси́,// Мари́е пресла́вная.

Прокимен преподобной, глас 4:

Д и́вен Бог во святы́х Свои́х,/ Бог Изра́елев.

Х вали́те Го́спода с небе́с,/ хвали́те Его́ в вы́шних.

В па́мять ве́чную бу́дет пра́ведник,/ от слу́ха зла не убои́тся.

В неделю вечера

Д ал еси́ достоя́ние боя́щимся Тебе́, Го́споди.

Суббота шестая Великого поста, Лазарева

О́ бщее воскресе́ние / пре́жде Твоея́ Стра́сти уверя́я,/ из ме́ртвых воздви́гл еси́ Ла́заря, Христе́ Бо́же./ Те́мже и мы, я́ко о́троцы побе́ды зна́мения нося́ще,/ Тебе́, победи́телю сме́рти, вопие́м:/ оса́нна в вы́шних,// благослове́н Гряды́й во и́мя Госпо́дне.

В сех ра́дость, Христо́с,/ И́стина, Свет, Живо́т и ми́ра воскресе́ние,/ су́щим на земли́ яви́ся Свое́ю бла́гостию,/ и бысть о́браз воскре́сения,// всем подая́ Боже́ственное оставле́ние.

Е ли́цы во Христа́ крести́стеся, во Христа́ облеко́стеся.

Прокимен, глас 3:

Г оспо́дь просвеще́ние мое́ / и Спаси́тель мой, кого́ убою́ся.

И з уст младе́нец и ссу́щих соверши́л еси́ хвалу́.

Неделя ваий, Вход Господнь в Иерусалим

Ин тропарь, глас 4:

С погре́бшеся Тебе́ креще́нием, Христе́ Бо́же наш,/ безсме́ртныя жи́зни сподо́бихомся Воскресе́нием Твои́м,/ и воспева́юще зове́м:/ оса́нна в вы́шних,// благослове́н Гряды́й во и́мя Госпо́дне.

Н а престо́ле на Небеси́,/ на жребя́ти на земли́ носи́мый, Христе́ Бо́же,/ А́нгелов хвале́ние / и дете́й воспева́ние прия́л еси́, зову́щих Ти:// благослове́н еси́, Гряды́й Ада́ма воззва́ти.

В елича́ем Тя,/ Живода́вче Христе́,/ оса́нна в вы́шних,/ и мы Тебе́ вопие́м:// благослове́н Гряды́й во и́мя Госпо́дне.

Прокимен на утрени, глас 4:

И з уст младе́нец и ссу́щих / соверши́л еси́ хвалу́.

Прокимен на литургии, глас 4:

Б лагослове́н Гряды́й во и́мя Госпо́дне,/ Бог Госпо́дь и яви́ся нам.

Б ог Госпо́дь, и яви́ся нам./ Соста́вите пра́здник,/ и веселя́щеся прииди́те, возвели́чим Христа́,/ с ва́иями и ве́твьми, пе́сньми зову́ще:// благослове́н Гряды́й во и́мя Го́спода Спа́са на́шего.

Б лагослове́н Гряды́й во и́мя Госпо́дне,/ Бог Госпо́дь и яви́ся нам.

В Великий Понедельник, Вторник и Среду

С е, Жени́х гряде́т в полу́нощи,/ и блаже́н раб, Его́же обря́щет бдя́ща,/ недосто́ин же па́ки, его́же обря́щет уныва́юща./ Блюди́ у́бо, душе́ моя́,/ не сном отяготи́ся,/ да не сме́рти пре́дана бу́деши,/ и Ца́рствия вне затвори́шися,/ но воспряни́ зову́щи:// Свят, Свят, Свят еси́, Бо́же, Богоро́дицею поми́луй нас.

Кондак Великого Понедельника, глас 8:

И а́ков рыда́ше Ио́сифова лише́ния,/ и до́блий седя́ше на колесни́це, я́ко царь почита́ем:/ еги́птяныни бо тогда́ сласте́м не порабо́тав,/ воспрославля́шеся от Ве́дущаго челове́ческая сердца́,// и Посыла́ющаго вене́ц нетле́нный.

Кондак Великого Вторника, глас 2:

Ч ас, душе́, конца́ помы́сливши,/ и посече́ния смоко́вницы убоя́вшися,/ да́нный тебе́ тала́нт трудолю́бно де́лай, окая́нная,/ бо́дрствующи и зову́щи:// да не пребу́дем вне черто́га Христо́ва.

Кондак Великой Среды, глас 4:

П а́че блудни́цы, Бла́же, беззако́нновав,/ слез ту́чи ника́коже Тебе́ принесо́х,/ но молча́нием моля́ся, припа́даю Ти,/ любо́вию облобыза́я пречи́стеи Твои́ но́зе,/ я́ко да оставле́ние мне, я́ко Влады́ка, пода́си долго́в,/ зову́щу Ти, Спа́се:// от скве́рных дел мои́х изба́ви мя.

Ч ерто́г Твой ви́жду, Спа́се мой, украше́нный, и оде́жды не и́мам, да вни́ду вонь: просвети́ одея́ние души́ моея́, Светода́вче, и спаси́ мя.

Во Святой и Великий Четверток.

Е гда́ сла́внии ученицы́ / на умове́нии ве́чери просвеща́хуся,/ тогда́ Иу́да злочести́вый,/ сребролю́бием неду́говав, омрача́шеся,/ и беззако́нным судия́м Тебе́, Пра́веднаго Судию́, предае́т./ Виждь, име́ний рачи́телю,/ сих ра́ди удавле́ние употреби́вша! / Бежи́, несы́тыя души́,/ Учи́телю такова́я дерзну́вшия.// И́же о всех Благи́й, Го́споди, сла́ва Тебе́.

Х леб прие́м в ру́це преда́тель,/ сокрове́нно ты́я простира́ет,/ и прие́млет це́ну Созда́вшаго Свои́ма рука́ма челове́ка,// и неиспра́влен пребы́сть Иу́да раб и льстец.

Прокимен, глас 7:

К ня́зи лю́дстии собра́шася вку́пе,/ на Го́спода и на Христа́ Его́.

Вместо Херувимской и причастен

В е́чери Твоея́ та́йныя днесь,/ Сы́не Бо́жий, прича́стника мя приими́:/ не бо враго́м Твои́м та́йну пове́м,/ ни лобза́ния Ти дам я́ко Иу́да,/ но я́ко разбо́йник испове́даю Тя:// помяни́ мя, Го́споди, во Ца́рствии Твое́м.

(сие поется вместо «Да исполнятся уста наша»…)

Вместо «Достойно…» поем ирмос, глас 6:

С тра́нствия Влады́чня и безсме́ртныя трапе́зы на го́рнем ме́сте высо́кими умы́, ве́рнии, прииди́те наслади́мся, возше́дша сло́ва от Сло́ва научи́вшеся, Его́же велича́ем.

Во Святой и Великий Пяток

И скупи́л ны еси́ от кля́твы зако́нныя / Честно́ю Твое́ю Кро́вию, / на Кресте́ пригвозди́вся, и копие́м пробо́дся,/ безсме́ртие источи́л еси́ челове́ком,// Спа́се наш, сла́ва Тебе́.

Н ас ра́ди Распя́того, прииди́те, вси воспои́м:/ Того́ бо ви́де Мари́я на Дре́ве и глаго́лаше:// а́ще и распя́тие терпи́ши, Ты еси́ Сын и Бог Мой.

Р азбо́йника благоразу́мнаго, во еди́ном часе́ ра́еви сподо́бил еси́, Го́споди, и мене́ Дре́вом Кре́стным просвети́ и спаси́ мя.

Прокимен, глас 6:

П оложи́ша мя в ро́ве преиспо́днем,/ в те́мных и се́ни сме́ртней.

Во Святую и Великую Субботу

На утрени по великом славословии прокимен, глас 7:

В оскресни́ Го́споди Бо́же мой, да вознесе́тся рука́ Твоя́,/ не забу́ди убо́гих Твои́х до конца́.

Б лагообра́зный Ио́сиф,/ с Дре́ва снем Пречи́стое Те́ло Твое́,/ плащани́цею чи́стою обви́в и вонями, // во гро́бе но́ве покры́в положи́.

Е гда́ снизше́л еси́ к сме́рти, Животе́ Безсме́ртный,/ тогда́ ад умертви́л еси́ блиста́нием Божества́./ Егда́ же и уме́ршия от преиспо́дних воскреси́л еси́,/ вся Си́лы Небе́сныя взыва́ху:// Жизнода́вче Христе́ Бо́же наш, сла́ва Тебе́.

М ироно́сицам жена́м при гро́бе предста́в, А́нгел вопия́ше:/ ми́ра ме́ртвым суть прили́чна,// Христо́с же истле́ния яви́ся чуждь.

Б е́здну заключи́вый, мертв зри́тся,/ и сми́рною и плащани́цею обви́вся,/ во гро́бе полага́ется, я́ко сме́ртный, Бессме́ртный,/ жены́ же приидо́ша пома́зати Его́ ми́ром,/ пла́чущия го́рько и вопию́щия:/ сия́ суббо́та есть преблагослове́нная,// в не́йже Христо́с усну́в, воскре́снет тридне́вен.

На литургии вместо Трисвятаго

Е ли́цы во Христа́ крести́стеся, во Христа́ облеко́стеся.

В ся земля́ да покло́нится Тебе́, и пое́т Тебе́,/ да пое́т же и́мени Твоему́, Вы́шний.

В оскресни́ Бо́же, суди́ земли́, я́ко Ты насле́диши во всех язы́цех.

Вместо Херувимской песни

Д а молчи́т вся́кая плоть челове́ча и да стои́т со стра́хом и трепе́том, и ничто́же земно́е в себе́ да помышля́ет: Царь бо ца́рствующих, и Госпо́дь госпо́дствующих, прихо́дит закла́тися и да́тися в снедь ве́рным. Предхо́дят же Сему́ ли́цы а́нгельстии со вся́ким Нача́лом и Вла́стию, многоочи́тии Херуви́ми, и шестокрыла́тии Серафи́ми, ли́ца закрыва́юще, и вопию́ще песнь: Аллилу́ия, аллилу́ия, аллилу́ия.

Н е рыда́й Мене́, Ма́ти, зря́щи во гро́бе, Его́же во чре́ве без се́мене зачала́ еси́ Сы́на: воста́ну бо и просла́влюся и вознесу́ со сла́вою, непреста́нно я́ко Бог, ве́рою и любо́вию Тя велича́ющия.

В оста́ я́ко спя Госпо́дь, и воскре́се спаса́яй нас.

Источник