Плач пресвятой богородицы ноты

Плач пресвятой богородицы ноты

Этот канон составлен в X веке нашей эры святым Симеоном Метафрастом (Логофетом). Читаются из него стихи после Страстной Пятницы, когда Господь уже умер на Кресте. Чтение происходит в пятницу, во время Службы.

Самое богослужение является благоговейным бдением перед гробом Спасителя и погребальным гимном пострадавшему за нас Господу, Бессмертному Царю славы.

Молитвы Канона «Плач Пресвятой Богородицы» наполнены скорбью, печалью Девы Марии и учеников Иисуса. В отчаянии Богородица обретает утешение по молитве к Господу. Иисус Христос выражает трогательную заботливость о Ней. В нескольких словах Сына Пресвятая Дева находит утоление скорби.

Канон «Плач Пресвятой Богородицы» должен быть в каждом доме, написанный от руки. Он хранится аккуратным листочком.

До написания следует прочесть хотя бы одно Евангелие вслух для всех членов семьи. Поститься неделю (исключить продукты животного происхождения, сладости, вино, табак), читая утренние и вечерние молитвы, затем прочесть канон для всех членов семьи вслух и только тогда можно приступить к написанию молитвы. Чтение Канона дает успокоение родителям в отъезде детей, в душевных скорбях, печалях.

И следует помнить всегда, что любой наш плохой поступок — это рана Пресвятой Богородице и Иисусу Христу.

Вы постепенно меняетесь к лучшему.

Плач Пресвятой Богородицы

(Канон о распятии Господни и на плач Пресвятой Богородицы)

Творение Симеона Логофета

На старославянском

1. Обешена яко виде на кресте Сына и Господа, Дева Чистая терзающися вопияше горце, со другими женами стенящи глаголаше:

2. Вижду Тя ныне, возлюбленное Мое Чадо и любимое, на кресте висяща и уязвляюся горце сердем, рече Чистая: но даждь слово, Благий, рабе Твоей.

3. Волею, Сыне Мой и Творче, терпиши на древе лютую смерть, Дева глаголаше, предстоящи у креста со возлюбленным учеником.

4. Ныне Моего чаяния, радости и веселия, Сына Моего и Господа лишена бых: увы Мне! болезную сердцем, Чистая плачущи глаголаше.

5. Страха ради иудейска Петр скрыся, и вси отбегоша вернии, и оставльше Христа, Дева рыдающи глаголаша.

6. О страшном Твоем рождестве и странном, Сыне Мой, паче всех матерей возвеличена бых Аз: но увы Мне! ныне Тя видящи на древе распалаюся утробою.

7. Вижду Утробу Мою на руках, в нихже Младенца держах, с древа прияти, вещаше Чистая: но никтоже, увы Мне, сего даде.

8. Се, свет Мой сладкий, надежда и живот Мой благий, Бог Мой угасе на кресте, распалаюся утробою, Дева стенющи и глаголаше.

9. Солнце незаходяй, Боже Превечный и Творче всех тварей, Господи, како терпиши страсть на кресте, Чистая плачущи глаголаше.

10. Плачущи глаголаше браконеискусная ко благообразному: потщися, Иосифе, к Пилату приступити и испроси снятии с древа Учителя твоего.

11. Видев Пречистую горце слезящу, Иосиф смутися и плачася приступи к Пилату: даждь ми, вопия с плачем, тело Бога моего.

12. Уязвена Тя видящи и без славы нага на древе Чадо Мое, утробою распалаюся, рыдающи яко Мати, Дева провещаваше.

13. Растерзаяся и рыдая и дивяся вкупе с Никодимом снят Иосиф, и уцеловав пречистое тело рыдаше и стеняше, и пояше Его яко Бога.

14. Приимши Его с плачем Мати неискусомужняя, положи на колену, молящи Его со слезами и облобызащающи, горце же рыдающи и восклицающи.

15. Едину надежду и животь, Владыко Сыне Мой и Боже, во очию свет раба Твоя имех, ныне же лишена бых Тебе, сладкое Мое Чадо и любимое.

16. Болезни и скорби и воздыхания обретоша мя, увы Мне, Чистая горце рыдающи глаголаше, видящи Тя, Чадо Мое возлюбленное, нага и уединена, и вонями помазана мертвеца.

17. Мертва Тя зрю, человеколюбче, оживившаго мертвыя, и содержаща вся, уязвляюся люте утробою: хотела бых с Тобою умрети, Пречистая глаголаше; не терплю бо без дыхания мертва Тя видеши.

18. Дивлюся зрящи Тя, преблагий Боже и премудрый Господи, без славы, и без дыхания, и безобразна, и плачуся держащи Тя, яко не надеяхся, увы Мне! Видети Тя, Сыне Мой и Боже!

19. Не взглаголеши ли рабе Твоей слова, Слове Божий? Не ущедриши ли, Владыко, Тебе рождшую? глаголаше Чистая, рыдающи и плачущи, облобызающи тело Господа своего.

20. Помышляю, Владыко, яко ктому сладкаго Твоего не услышу гласа; ни доброты лица Твоего узрю, якоже прежде раба Твоя: ибо зашел еси, Сыне Мой, от очию Моею.

21. Нась ради Распятого прийдите вси воспоим. Того бо виде Мариа на древе глаголаше аще и распятие терпиши, Ты еси Сын и Бог Мой.

22. Своего Агнца агница зрящи к заколению влекома, последоваше Мариа простертыми власы со инеми женами, сия вопиющи: камо идеши, Чадо? чесо ради скорое течение совершаеши? егда другой брак паки есть в Кане, и тамо ныне тщишися, да от воды им вино сотвориши? Иду ли с Тобою, Чадо, или паче пожду Тебе? Даждь ми слово, Слове, не молча мимо иди Мене, чисту соблюдый Мя. Ты бо еси Сын и Бог Мой.

23. Где, Сыне Мой и Боже, благовещение древнее, еже Ми Гавриил глаголаше? Царя Тя, Сына и Бога Вышняго нарицаше: ныне же вижду Тя, Свете Мой сладкий, нага и уязвена мертвеца.

24. Избавляяй болезни, ныне прими Мя с Собою, Сыне Мой и Боже, да сниду, Владыко, во ад с Тобой и Аз, не остави Мене едину, уже бо жити не терплю, не видящи Тебе, сладкаго Моего Света.

25. С другими женами мироносицами рыдающи Непорочная горце и носима видящи Христа глаголаше: увы Мне, что вижду? Камо идешь ныне, Сыне Мой, а Мене едину оставляеши?

26. Изнемогающи и рыдающи Непорочная мироносицам глаголаше: срыдайте Ми и сплачитеся горце, се бо Свет Мой сладкий и Учитель ваш гробу предается.

27. Деву рыдающу Иосиф видев растерзашеся весь и вопияше горько: како Тя, о Боже Мой, ныне погребу раб Твой? Какими плащаницами обвию тело Твое?

28. Паче ума превзыде странное Твое видение носящаго тварь всю Господа: сего ради Иосиф яко мертва Тя на руку своею и с Никодимом носит и погребает.

29. Странну вижду и преславную тайну, Дева вопияше Сыну и Господу: како в худом гробе полагаешися, мертвыя повелением возставляяй во гробех.

30. Ни от гроба Твоего восстану, Чадо Мое, ни слезы точащи престану раба Твоя, дондеже и Аз сниду во ад: не могу бо терпети разлучения Твоего, Сыне Мой.

31. Радость Мне николиже отсем прикоснется, рыдающи глаголаше Непорочная: свет Мой и радость Моя во гроб зайде. Но не оставлю Его единаго: зде же умру и спогребуся Ему.

32. Душевную Мою язву ныне исцели, Чадо Мое, Пречистая вопияше слезящи: воскресни и утоли Мою болезнь и печаль; можеши бо, Владыко, елико хощеши, и творити, аще и погреблся еси волею.

33. О, како утаился Тебе есть бездна щедрот, Матери в тайне изрече Господь? Тварь бо Мою хотя спасти, изволих умрети; но и воскресну и Тебе возвеличу, яко Бог небесе и земли.

34. Воспою милосердие Твое, Человеколюбче, и покланяюся богатству милости Твоея, Владыко: создание бо Твое хотя спасти, смерть подъял еси, рече Пречистая; но воскресением Твоим, Спасе, помилуй всех нас!

Перевод на русский

(для лучшего понимания читаемого текста)

1. Дева Чистая, увидев висящим на кресте Сына и Господа (Своего), горестно стеня, терзаяясь и вместе с другими женами вопия, (так) говорила:

2. «Видя Тебя ныне, возлюбленное Чадо Мое висящим на кресте, горько уязвляюсь в сердце моем», говорила чистая. «Вымолви, Благий, слово рабе Твоей».

3. «Сын и Творец Мой! добровольно терпишь Ты лютую смерть на древе», — говорила Дева, предстоя у креста с возлюбленным учеником.

4. «Ныне лишилась Я моей надежды, радости и веселия — Сына моего и Господа: горе Мне! Болит Мое сердце!» говорила Чистая с плачем.

5. «Из страха пред иудеями Петр скрылся и все верные разбежались, оставив Христа», говорила Дева рыдая.

6. «Чудесным и неведомым рождеством Твоим, Сын Мой, я была возвеличена пред всеми матерями. Но горе Мне! теперь, при виде Тебя на кресте, утроба Моя распаляется.

7. вижу Рожденнаго Мною и простираю руки, чтобы принять Его с креста. Но никто, увы! Не дает Мне Его.

8. Вот свет Мой сладостный, надежда и жизнь Моя драгая, Бог Мой угас на кресте! Внутренность Моя распаляется!» говорила Дева стеня.

9. «Солнце незаходящее, Боже Превечный, Творец и Господь всех творений! Как Ты терпишь страдания на кресте?» говорила Чистая плача.

10. Не познавшая брака говорила плача благообразному: «Иосиф! Поспеши к Пилату и испроси дозволение снять с древа твоего Учителя».

11. Иосиф, видя Пречистую горько плачущую, смутился и плача пришел к Пилату и со слезами сказал: «отдай мне тело Бога моего».

12. Видя Тебя покрытаго язвами, обезславленного и обнаженного на древе, рыдая как Матерь — Дева говорила: «Чадо Мое! Огонь палит внутренность Мою».

13. Терзаясь и удивляясь Иосиф вместе с Никодимом рыдая снял пречистое тело (Распятого) и со стенаниями воспел Его как Бога.

14. С плачем приняла Его Матерь безмужняя, положила Его на колена и со слезами и горькими рыданиями молила Его, осыпала лобзаньями и восклицала:

15. «Тебя, Владыко, Сын и Бог Мой, Я, раба Твоя, имела единственною надеждою, жизнию и светом очей. Но теперь я лишилась Тебя, Чадо мое сладчайшее и возлюбленное!

16. Увы! Печаль и скорбь и воздыхания терзают Меня, — говорила Чистая, — горько рыдая, когда вижу Тебя, Чадо Мое возлюбленное, нагим оставленным и помазанным ароматами мертвецом.

17. Вижу мертвым Тебя, человеколюбец, воскресившаго мертвых и все содержащаго, и утроба Моя уязвляется лютою скорбию. Я хотела бы умереть с Тобою, — говорила Пречистая, — ибо нестерпимо для Меня видеть Тебя бездыханным мертвецом.

18. Изумляюсь, видя Тебя преблагий Боже и прещедрый Господи, без славы без дыхания, без красоты. Держу Тебя в объятиях и плачу, не надеясь, — горе Мне! — увидеть Тебя Более, Сын Мой и Боже Мой!

19. Не вымолвишь ли рабе Твоей слова Ты, Слово Божие? не ущедришь ли, Владыко, родившую Тебя?» говорила Чистая, плача, рыдая и лобзая Господа Своего.

20. «Видно уже не слышать более Мне, рабе Твоей, Владыко, Твоего сладкого гласа и не увидеть, как прежде, красоты лица Твоего: ибо сокрылся Ты, Сын Мой, от очей Моих!»

21. Приидите все, прославим Распятаго за нас, Котораго видя на древе Мария говорила: «Хотя Ты и терпишь распятие, но Ты — Сын и Бог Мой».

22. Следуя вместе с другими женами за своим Ангцем, влекомым на заклание, распустивши власы, агница Мария, вопияла: «Куда Ты идешь, Чадо? зачем поспешаешь так скоро? Или совершается новый брак в Кане, и Ты спешишь туда, чтобы претворить для них воду в вино? Итти ли Мне с Тобою, Чадо, или лучше дожидаться Тебя? О, Слово! промолви Мне одно слово; не проходи мимо Меня молча Ты, сохранивший Меня чистою: ибо Ты Сын и Бог Мой.

23. «Где же Сын и Бог Мой, прежнее благовестие, которое вещал Мне Гавриил? Он называл Тебя Царем, Сыном Божиим и Богом Вышним: но вот теперь Я вижу Тебя, сладостный Свет Мой, чтобы и Мне, Владыко, сойти с Тобою во ад. Не оставляй Меня одну, ибо Мне уже невыносимо жить, не видя Тебя, Моего сладостнаго Света!»

25. Горько рыдая с другими женами мироносицами и видя Христа несомым, Непорочная говорила: «Горе Мне! Что вижу Я? Куда Ты идешь теперь, Сын Мой, покидая Меня одну?»

26. Изнемогая от рыданий, Непорочная говорила мироносицам: «Рыдайте и плачьте горько вместе со Мною, ибо Свет Мой сладостный и учитель ваш полагается во гроб.»

27. Иосиф, видя рыдающую Деву, сам терзался и горько вопиял: «Как мне, рабу Твоему, погребать Тебя, Боже мой? Какими плащаницами обвить тело Твое?»

28. Превышает ум удивительное зрелище: Господа, носящего всю тварь, Иосиф с Никодимом несут на руках своих и погребают.

29. «Вижу удвительную и преславную тайну, — вопияла Дева к Сыну и Господу: — как полагают в простой гроб Тебя, вызывавшаго словом мертвых из гробов?

30. Не отойду от гроба Твоего, Чадо Мое, и не перестану лить слезы Я, раба Твоя, пока и Я не сойду во ад: ибо не могу перенести.

31. Отныне радость никогда не коснется Меня, говорила рыдая Непорочная: — Свет Мой и радость Моя закатилась во гроб. Но я не оставлю Его одного: умру здесь же и погребусь вместе с Ним.

32. Исцели мою душевную рану, Чадо Мое! — вопияла Пречистая со слезами. — Воскресни и утоли Мою скорбь и печаль: ибо Ты можешь сделать, что захочешь, хотя и погребся добровольно.»

33. «О, как сокрылась от тебя бездна милосердия? — сказал Господь тайно Матери. — Ибо, желая спасти Мое творение, Я благоволил умереть; но Я воскресну и возвеличу Тебя, как Бог неба и земли».

34. «Воспеваю милосердие Твое, Человеколюбец, и поклоняюсь богатству милости Твоей, Владыко! Ибо, восхотев спасти создание Твое, Ты принял смерть, — сказала Пречистая. — Но воскресением Твоим, Спаситель, помилуй всех нас!».

Источник

ПЛАЧ ПРЕСВЯТОЙ БОГОРОДИЦЫ. Последование малого повечерия с каноном в Великую Пятницу Страстной седмицы для келейного (домашнего) совершения

Молитвами святых отец наших, Господи Иисусе Христе, Боже наш, помилуй нас. Аминь.

Слава Тебе, Боже наш, слава Тебе.

Царю Небесный, Утешителю, Душе истины, Иже везде сый и вся исполняяй, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.

Святый Боже, Святый Крепкий, Святый Безсмертный, помилуй нас. (Трижды). Слава Отцу и Сыну и Святому Духу, и ныне и присно и во веки веков. Аминь.

Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради. Господи, помилуй (Трижды). Слава Отцу и Сыну и Святому Духу, и ныне и присно и во веки веков. Аминь.

Отче наш, Иже еси на Небесех! Да святится имя Твое, да приидет Царствие Твое, да будет воля Твоя, яко на Небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искуше ние, но избави нас от лукаваго.

Господи, помилуй (12 раз). Слава Отцу и Сыну и Святому Духу, и ныне и присно и во веки веков. Аминь.

Приидите, поклонимся Цареви нашему Богу.

Приидите, поклонимся и припадем Христу, Цареви нашему Богу.

Приидите, поклонимся и припадем Самому Христу, Цареви и Богу нашему.

Псалом 50

Поми́луй мя, Бо́же, по вели́цей ми́лости Твое́й, и по мно́жеству щедро́т Твои́х очи́сти беззако́ние мое́. Наипа́че омы́й мя от беззако́ния моего́, и от греха́ моего́ очи́сти мя; я́ко беззако́ние мое́ аз зна́ю, и грех мой предо мно́ю есть вы́ну. Тебе́ Еди́ному согреши́х и лука́вое пред Тобо́ю сотвори́х, я́ко да оправди́шися во словесе́х Твои́х, и победи́ши внегда́ суди́ти Ти. Се бо, в беззако́ниих зача́т есмь, и во гресе́х роди́ мя ма́ти моя́. Се бо, и́стину возлюби́л еси́; безве́стная и та́йная прему́дрости Твоея́ яви́л ми еси́. Окропи́ши мя иссо́пом, и очи́щуся; омы́еши мя, и па́че сне́га убелю́ся. Слу́ху моему́ да́си ра́дость и весе́лие; возра́дуются ко́сти смире́нныя. Отврати́ лице́ Твое́ от грех мои́х и вся беззако́ния моя́ очи́сти. Се́рдце чи́сто сози́жди во мне, Бо́же, и дух прав обнови́ во утро́бе мое́й. Не отве́ржи мене́ от лица́ Твоего́ и Ду́ха Твоего́ Свята́го не отыми́ от мене́. Возда́ждь ми ра́дость спасе́ния Твоего́ и Ду́хом Влады́чним утверди́ мя. Научу́ беззако́нныя путе́м Твои́м, и нечести́вии к Тебе́ обратя́тся. Изба́ви мя от крове́й, Бо́же, Бо́же спасе́ния моего́; возра́дуется язы́к мой пра́вде Твое́й. Го́споди, устне́ мои́ отве́рзеши, и уста́ моя́ возвестя́т хвалу́ Твою́. Я́ко а́ще бы восхоте́л еси́ же́ртвы, дал бых у́бо: всесожже́ния не благоволи́ши. Же́ртва Бо́гу дух сокруше́н; се́рдце сокруше́нно и смире́нно Бог не уничижи́т. Ублажи́, Го́споди, благоволе́нием Твои́м Сио́на, и да сози́ждутся сте́ны Иерусали́мския. Тогда́ благоволи́ши же́ртву пра́вды, возноше́ние и всесожега́емая; тогда́ возложа́т на oлта́рь Твой тельцы́.

Псалом 69

Бо́же, в по́мощь мою́ вонми́, Го́споди, помощи́ ми потщи́ся. Да постыдя́тся и посра́мятся и́щущии ду́шу мою́, да возвратя́тся вспять и постыдя́тся хотя́щии ми зла́я. Да возвратя́тся а́бие стыдя́щеся глаго́лющии ми: бла́гоже, бла́гоже. Да возра́дуются и возвеселя́тся о Тебе́ вси и́щущии Тебе́, Бо́же, и да глаго́лют вы́ну, да возвели́чится Госпо́дь, лю́бящии спасе́ние Твое́: аз же нищ есмь и убо́г, Бо́же, помози́ ми: Помо́щник мой и Изба́витель мой еси́ Ты, Го́споди, не закосни́.

Псалом 142

Го́споди, услы́ши моли́тву мою́, внуши́ моле́ние мое́ во и́стине Твое́й, услы́ши мя в пра́вде Твое́й и не вни́ди в суд с рабо́м Твои́м, я́ко не оправди́тся пред Тобо́ю всяк живы́й. Я́ко погна́ враг ду́шу мою́, смири́л есть в зе́млю живо́т мой, посади́л мя есть в те́мных, я́ко ме́ртвыя ве́ка. И уны́ во мне дух мой, во мне смяте́ся се́рдце мое́. Помяну́х дни дре́вния, поучи́хся во всех де́лех Твои́х, в творе́ниих руку́ Твое́ю поуча́хся. Возде́х к Тебе́ ру́це мои́, душа́ моя́, я́ко земля́ безво́дная Тебе́. Ско́ро услы́ши мя, Го́споди, исчезе́ дух мой, не отврати́ лица́ Твоего́ от мене́, и уподо́блюся низходя́щым в ров. Слы́шану сотвори́ мне зау́тра ми́лость Твою́, я́ко на Тя упова́х. Скажи́ мне, Го́споди, путь во́ньже пойду́, я́ко к Тебе́ взях ду́шу мою́. Изми́ мя от враг мои́х, Го́споди, к Тебе́ прибего́х. Научи́ мя твори́ти во́лю Твою́, я́ко Ты еси́ Бог мой. Дух Твой Благи́й наста́вит мя на зе́млю пра́ву. И́мене Твоего́ ра́ди, Го́споди, живи́ши мя, пра́вдою Твое́ю изведе́ши от печа́ли ду́шу мою́. И ми́лостию Твое́ю потреби́ши враги́ моя́ и погуби́ши вся стужа́ющыя души́ мое́й, я́ко аз раб Твой есмь.

Славословие вседневное

Сла́ва в вы́шних Бо́гу, и на земли́ мир, в челове́цех благоволе́ние. Хва́лим Тя, благослови́м Тя, кла́няем Ти ся, славосло́вим Тя, благодари́м Тя, вели́кия ра́ди сла́вы Твоея́. Го́споди, Царю́ Небе́сный, Боже, О́тче Вседержи́телю, Го́споди Сы́не Единоро́дный, Иису́се Христе́, и Святы́й Ду́ше. Го́споди Бо́же, А́гнче Бо́жий, Сы́не Оте́чь, взе́мляй грех ми́ра, поми́луй нас. Взе́мляй грехи́ ми́ра, приими́ моли́тву на́шу. Седя́й одесну́ю Отца́, поми́луй нас. Я́ко Ты еси́ Еди́н Свят; Ты еси́ Еди́н Госпо́дь, Иису́с Христо́с, в сла́ву Бо́га Отца́, ами́нь.

На вся́ку нощь благословлю́ Тя и восхвалю́ и́мя Твое́ во ве́ки, и в век ве́ка.

Го́споди, прибе́жище был еси́ нам в род и род. Аз рех: Го́споди, поми́луй мя, исцели́ ду́шу мою́, я́ко согреши́х Тебе́. Го́споди, к Тебе́ прибего́х, научи́ мя твори́ти во́лю Твою́, я́ко Ты еси́ Бог мой, я́ко у Тебе́ исто́чник живота́, во све́те Твое́м у́зрим свет. Проба́ви ми́лость Твою́ ве́дущим Тя.

Сподо́би Го́споди, в нощь сию́ без греха́ сохрани́тися нам. Благослове́н еси́ Го́споди Бо́же оте́ц на́ших, и хва́льно и просла́влено и́мя Твое́ во ве́ки, ами́нь.

Бу́ди, Го́споди, ми́лость Твоя́ на нас, я́коже упова́хом на Тя. Благослове́н еси́, Го́споди, научи́ мя оправда́нием Твои́м. Благослове́н еси́, Влады́ко, вразуми́ мя оправда́нием Твои́м. Благослове́н еси́, Святы́й, просвети́ мя оправда́нии Твои́ми. Го́споди, ми́лость Твоя́ во век, дел руку́ Твое́ю не пре́зри: Тебе́ подоба́ет хвала́, Тебе́ подоба́ет пе́ние, Тебе́ сла́ва подоба́ет, Отцу́, и Сы́ну, и Свято́му Ду́ху, ны́не и при́сно, и во ве́ки веко́в, ами́нь.

Символ веры

Ве́рую во еди́наго Бо́га Отца́ Вседержи́теля, Творца́ не́бу и земли́, ви́димым же всем и неви́димым. И во еди́наго Го́спода Иису́са Христа́, Сы́на Бо́жия, Единоро́днаго, И́же от Отца́ рожде́ннаго пре́жде всех век. Све́та от Све́та, Бо́га и́стинна от Бо́га и́стинна, рожде́нна, несотворе́нна, единосу́щна Отцу́, И́мже вся бы́ша. Нас ра́ди челове́к и на́шего ра́ди спасе́ния сше́дшаго с небе́с и воплоти́вшагося от Ду́ха Свя́та и Мари́и Де́вы и вочелове́чшася. Распя́таго же за ны при Понти́йстем Пила́те, и страда́вша, и погребе́нна. И воскре́сшаго в тре́тий день по Писа́нием. И возше́дшаго на Небеса́, и седя́ща одесну́ю Отца́. И па́ки гряду́щаго со сла́вою суди́ти живы́м и ме́ртвым, Его́же Ца́рствию не бу́дет конца́. И в Ду́ха Свята́го, Го́спода, Животворя́щаго, И́же от Отца́ исходя́щаго, И́же со Отце́м и Сы́ном спокланя́ема и ссла́вима, глаго́лавшаго проро́ки. Во еди́ну Святу́ю, Собо́рную и Апо́стольскую Це́рковь. Испове́дую еди́но креще́ние во оставле́ние грехо́в. Ча́ю воскресе́ния ме́ртвых, и жи́зни бу́дущаго ве́ка. Ами́нь.

Песнь 1

Ирмос: Я́ко по су́ху, пешеше́ствовав Изра́иль по без́дне стопа́ми, гони́теля фарао́на ви́дя потопля́ема, Бо́гу побе́дную песнь пои́м, вопия́ше.

Запев: Сла́ва Тебе́, Бо́же наш, сла́ва Тебе́.

Обе́шена я́ко ви́де на Кресте́, Сы́на и Го́спода, Де́вая Чи́стая, терза́ющися, вопия́ше го́рце, со други́ми жена́ми, стеня́щи, глаго́лаше.

Ви́жу Тя ны́не, возлю́бленное Мое́ Чадо и люби́мое, на Кресте́ ви́сяща, и уязвля́юся го́рце се́рдцем, рече́ Чи́стая, но даждь сло́во, Благи́й, Рабе́ Твое́й.

Слава Отцу и Сыну и Святому Духу: Во́лею, Сы́не Мой и Тво́рче, терпи́ши на дре́ве лю́тую смерть, Де́ва глаго́лаше, предстоя́щи у Креста́ со возлю́бленным ученико́м.

И ныне и присно и во веки веков. Аминь: Ны́не Моего́ ча́яния, ра́дости и весе́лия, Сы́на Моего́ и Го́спода лише́на бых: увы́ Мне, боле́зную се́рдцем, Чи́стая, пла́чущи, глаго́лаше.

Песнь 3

Ирмос: Несть свят, я́коже Ты, Го́споди Бо́же мой, вознесы́й рог ве́рных Твои́х, Бла́же, и утверди́вый нас на ка́мени испове́дания Твоего́.

Стра́ха ра́ди иуде́йска Петр скры́ся, и вси отбего́ша ве́рнии, оста́вльше Христа́, Де́ва, рыда́ющи, глаго́лаше.

О стра́шном Твое́м рождестве́ и стра́нном, Сы́не Мой, па́че всех ма́терей возвели́чена бых Аз, но увы́ Мне, ны́не Тя ви́дящи на дре́ве, распала́юся утро́бою.

Слава Отцу и Сыну и Святому Духу: Хощу́ утро́бу Мою́ на руку́, и́маже я́ко Младе́нца держа́х, с дре́ва прия́ти, веща́ше Чи́стая, но никто́же, увы́ Мне, Сего́ даде́.

И ныне и присно и во веки веков. Аминь: Се Свет Мой сла́дкий, Наде́жда и Живо́т Мой, Благи́й, Бог Мой угасе́ на Кресте́, распала́юся утро́бою, Де́ва стеня́щи глаго́лаше.

Песнь 4

Ирмос: Христо́с моя́ си́ла, Бог и Госпо́дь, честна́я Це́рковь Боголе́пно пое́т, взыва́ющи, от смы́сла чи́ста о Го́споде пра́зднующи.

Со́лнце не заходя́й, Бо́же Преве́чный, и Тво́рче всех тва́рей Го́споди, ка́ко терпи́ши страсть на Кресте́? Чи́стая пла́чущи глаго́лаше.

Пла́чущи, глаго́лаше Браконеиску́сная ко благообра́зному: потщи́ся, Ио́сифе, к Пила́ту приступи́ти, и испроси́ сня́ти со дре́ва Учи́теля Твоего́.

Слава Отцу и Сыну и Святому Духу: Ви́дев Пречи́стую го́рце слезя́щу, Ио́сиф смути́ся, и пла́чася приступи́ к Пила́ту, даждь ми, вопия́ с пла́чем, Те́ло Бо́га моего́.

И ныне и присно и во веки веков. Аминь: Уя́звена Тя ви́дящи и без сла́вы, на́га на дре́ве, Ча́до Мое́, утро́бою распала́юся, рыда́ющи я́ко Ма́ти, Де́ва провещава́ше.

Песнь 5

Ирмос: Бо́жиим све́том Твои́м, Бла́же, у́треннюющих Ти ду́ши любо́вию озари́, молю́ся, Тя ве́дети, Сло́ве Бо́жий, и́стиннаго Бо́га, от мра́ка грехо́внаго взыва́юща.

Растерза́яся и рыда́я, и дивя́ся вку́пе с Никоди́мом, снят Ио́сиф, и уцелова́в Пречи́стое Те́ло, рыда́ше и стеня́ше, и поя́ Его́ я́ко Бо́га.

Прии́мши Его́ с пла́чем Ма́ти неискусому́жная, положи́ на коле́ну, моля́щи Его́ со слеза́ми и облобыза́ющи, го́рце же рыда́ющи и восклица́ющи.

Слава Отцу и Сыну и Святому Духу: Еди́ну Наде́жду и Живо́т, Влады́ко, Сы́не Мой и Бо́же, во о́чию свет Раба́ Твоя́ име́х, ны́не же лише́на бых Тебе́, сла́дкое Мое́ Ча́до и люби́мое.

И ныне и присно и во веки веков. Аминь: Боле́зни и ско́рби, и воздыха́ния обрето́ша Мя, увы́ Мне, Чи́стая го́рце рыда́ющи глаго́лаше, ви́дящи Тя, Ча́до Мое́ возлю́бленное, на́га и уедине́на, и воня́ми пома́зана мертвеца́.

Песнь 6

Ирмос: Жите́йское мо́ре, воздвиза́емое зря напа́стей бу́рею, к ти́хому приста́нищу Твоему́ прите́к, вопию́ Ти: возведи́ от тли живо́т мой, Многоми́лостиве.

Ме́ртва Тя зрю, Человеколю́бче, оживи́вшаго ме́ртвыя, и содержа́ща вся, уязвля́юся лю́те утро́бою. Хоте́ла бых с Тобо́ю умре́ти, Пречи́стая глаго́лаше, не терплю́ бо без дыха́ния ме́ртва Тя ви́дети.

Дивлю́ся, зря́щи Тя, Преблаги́й Бо́же и Преще́дрый Го́споди, без сла́вы и без дыха́ния, и безобра́зна, и пла́чуся, держа́щи Тя, я́ко не наде́яхся, увы́ Мне, ви́дети Тя, Сы́не Мой и Бо́же.

Слава Отцу и Сыну и Святому Духу: Не изглаго́леши ли Рабе Твое́й сло́ва, Сло́ве Бо́жий? Не уще́дриши ли, Влады́ко, Тебе́ Ро́ждшую, глаго́лаше Чи́стая, рыда́ющи и пла́чущи, облобыза́ющи Те́ло Го́спода Своего́.

И ныне и присно и во веки веков. Аминь: Помышля́ю, Влады́ко, я́ко ктому́ сла́дкаго Твоего́ не услы́шу гла́са, ни добро́ты Лица́ Твоего́ узрю́, я́коже пре́жде Раба́ Твоя́, и́бо заше́л еси́, Сы́не Мой, от о́чию Мое́ю.

Кондак, глас 8

Нас ра́ди Распя́таго, прииди́те, вси воспои́м, Того́ бо ви́де Мари́я на дре́ве, и глаго́лаше: а́ще и распя́тие терпи́ши, Ты еси́ Сын и Бог Мой.

Икос

Своего́ А́гнца А́гница зря́щи, к заколе́нию влеко́ма, после́доваше Мари́я просте́ртыми власы́ со ине́ми жена́ми, сия́ вопию́щи: ка́мо и́деши, Ча́до, чесо́ ра́ди ско́рое тече́ние соверша́еши? Еда́ други́й брак па́ки есть в Ка́не, и та́мо ны́не тщи́шися, да от воды́ им вино́ сотвори́ши? Иду́ ли с Тобо́ю, Ча́до, или́ па́че пожду́ Тебе́? Даждь Ми сло́во, Сло́ве, не молча́ мимоиди́ Мене́, Чи́сту соблюды́й Мя, Ты бо еси́ Сын и Бог Мой.

Песнь 7

Ирмос: Росода́тельну у́бо пещь соде́ла А́нгел преподо́бным отроко́м, халде́и же опаля́ющее веле́ние Бо́жие мучи́теля увеща́ вопи́ти: благослове́н еси́, Бо́же оте́ц на́ших.

Где, Сы́не Мой и Бо́же, благове́щение дре́внее, е́же Ми Гаврии́л глаго́лаше; Царя́ Тя, Сы́на и Бо́га Вы́шняго нарица́ше: ны́не же ви́жу Тя, Све́те Мой сла́дкий, на́га и уя́звлена мертвеца́.

Избавля́яй боле́зни, ны́не приими́ Мя с Тобо́ю, Сы́не Мой и Бо́же, да сни́ду, Влады́ко, во ад с Тобо́ю и Аз, не оста́ви Мене́ еди́ну, уже́ бо жи́ти не терплю́, не ви́дящи Тебе́, сла́дкаго Моего́ Све́та.

Слава Отцу и Сыну и Святому Духу: С други́ми жена́ми мироно́сицами, рыда́ющи Непоро́чная го́рце, и носи́ма ви́дящи Христа́, глаго́лаше: увы́ Мне, что ви́жу! Ка́мо и́деши ны́не, Сы́не Мой, а Мене́ еди́ну оставля́еши?

И ныне и присно и во веки веков. Аминь: Изнемога́ющи и рыда́ющи Непоро́чная, мироно́сицам глаго́лаше: срыда́йте Ми, и спла́читеся го́рце, се бо Свет Мой сла́дкий и Учи́тель ваш гро́бу предае́тся.

Песнь 8

Ирмос: Из пла́мене преподо́бным ро́су источи́л еси́, и пра́веднаго же́ртву водо́ю попали́л еси́: вся бо твори́ши, Христе́, то́кмо е́же хоте́ти. Тя превозно́сим во вся ве́ки.

Де́ву рыда́ющу Ио́сиф ви́дев, растерза́шеся весь и вопия́ше го́рько: ка́ко Тя, о Бо́же мой, ны́не погребу́ раб Твой? Каки́ми плащани́цами обвию́ Те́ло Твое́?

Па́че ума́ превзы́де стра́нное Твое́ виде́ние, нося́щаго тварь всю Го́спода, сего́ ра́ди Ио́сиф я́ко ме́ртва Тя на руку́ свое́ю, и с Никоди́мом но́сит и погреба́ет.

Слава Отцу и Сыну и Святому Духу: Стра́нную ви́жу и пресла́вную та́йну, Де́ва вопия́ше Сы́ну и Го́споду: ка́ко в худо́м гро́бе полага́ешися, ме́ртвыя повеле́нием возставля́яй во гробе́х?

И ныне и присно и во веки веков. Аминь: Ни от гро́ба Твоего́ воста́ну, Ча́до Мое́, ни сле́зы точа́щи преста́ну Раба́ Твоя́, до́ндеже и Аз сни́ду во ад, не могу́ бо терпе́ти разлуче́ния Твоего́, Сы́не Мой.

Песнь 9

Ирмос: Бо́га челове́ком не возмо́жно ви́дети, на Него́ же не сме́ют чи́ни А́нгельстии взира́ти; Тобо́ю бо, Всечи́стая, яви́ся челове́ком Сло́во воплоще́нно, Его́ же велича́юще, с Небе́сными во́и Тя ублажа́ем.

Ра́дость Мне николи́же отсе́ле прико́снется, рыда́ющи, глаго́лаше Непоро́чная: Свет Мой и Ра́дость Моя́ во гроб за́йде, но не оста́влю Его́ еди́наго, зде же умру́ и спогребу́ся Ему́.

Душе́вную Мою́ я́зву ны́не исцели́, Ча́до Мое́, Пречи́стая вопия́ше слезя́щи: воскресни́ и утоли́ Мою́ боле́знь и печа́ль, мо́жеши бо, Влады́ко, ели́ко хо́щеши, и твори́ши, а́ще и погре́блся еси́ во́лею.

Слава Отцу и Сыну и Святому Духу: О ка́ко утаи́лася Тебе́ есть бе́здна щедро́т, Ма́тери в та́йне изрече́ Госпо́дь? Тварь бо Мою́ хотя́ спасти́, изво́лих умре́ти. Но и воскре́сну, и Тебе́ возвели́чу, я́ко Бог небесе́ и земли́.

И ныне и присно и во веки веков. Аминь: Воспою́ милосе́рдие Твое́, Человеколю́бче, и покланя́юся бога́тству ми́лости Твоея́, Влады́ко, созда́ние бо Твое́ хотя́ спасти́, смерть подъя́л еси́, рече́ Пречи́стая, но Воскресе́нием Твои́м, Спа́се, поми́луй всех нас.

Ирмос: Бога человеком невозможно видети, на Негоже не смеют чини ангельстии взирати. Тобою же, Всечистая, явися человеком Слово Воплощенно. Егоже величающе, с небесными вои Тя ублажаем.

Досто́йно есть я́ко вои́стинну блажи́ти Тя, Богоро́дицу, Присноблаже́нную и Пренепоро́чную и Ма́терь Бо́га на́шего. Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу Тя велича́ем.

Святый Боже, Святый Крепкий, Святый Безсмертный, помилуй нас (трижды). Слава Отцу и Сыну и Святому Духу, и ныне и присно и во веки веков. Аминь.

Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради. Господи, помилуй (трижды). Слава Отцу и Сыну и Святому Духу, и ныне и присно и во веки веков. Аминь.

Отче наш, Иже еси на Небесех, да святится имя Твое, да приидет Царствие Твое, да будет воля Твоя, яко на Небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.

Кондак, глас 8

Нас ра́ди Распя́таго, прииди́те, вси воспои́м, Того́ бо ви́де Мари́я на дре́ве, и глаго́лаше: а́ще и распя́тие терпи́ши, Ты еси́ Сын и Бог Мой.

Го́споди, поми́луй (40 раз)

Молитва святителя Василия Великого

Иже на всякое время, и на всякий час, на Небеси и на земли покланяемый и славимый, Христе Боже, долготерпеливе, многомилостиве, многоблагоутробне, Иже праведныя любяй, и грешныя милуяй, Иже вся зовый ко спасению обещания ради будущих благ, Сам, Господи, приими и наша в час сей молитвы, и исправи живот наш к заповедем Твоим, души наша освяти, телеса очисти, помышления исправи, мысли очисти, и избави нас от всякия скорби, зол и болезней, огради нас святыми Твоими Ангелы, да ополчением их соблюдаеми и наставляеми, достигнем в соединение веры и в разум неприступныя Твоея славы, яко благословен еси во веки веков, аминь.

Господи, помилуй (Трижды). Слава Отцу и Сыну и Святому Духу, и ныне и присно и во веки веков. Аминь.

Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем.

Молитва ко Пресвятей Богородице

Нескве́рная, Небла́зная, Нетле́нная, Пречи́стая, Чи́стая Де́во, Богоневе́сто Влады́чице, я́же Бо́га Сло́ва челове́ком пресла́вным Твои́м Рождество́м соедини́вшая, и отри́нувшееся естество́ ро́да на́шего небе́сным совоку́пльшая: я́же ненаде́жных еди́на Наде́жда, и бори́мых по́моще, гото́вое заступле́ние к Тебе́ притека́ющих, и всех христиа́н прибе́жище. Не гнуша́йся мене́ гре́шнаго, скве́рнаго, скве́рными по́мыслы, и словесы́, и дея́ньми всего́ себе́ непотре́бна сотво́рша, и ра́зумом ле́ности сласте́й жития́ раба́ бы́вша; но я́ко человеколюби́ваго Бо́га Ма́ти, человеколю́бне умилосе́рдися о мне гре́шнем и блу́днем, и приими́ мое́, е́же от скве́рных усте́н приноси́мое Тебе́ моле́ние, и Твоего́ Сы́на, и на́шего Влады́ку и Го́спода, ма́тернее Твое́ дерзнове́ние употребля́ющи, моли́, да отве́рзет и мне человеколю́бныя утро́бы Своея́ бла́гости, и презре́в моя́ безчи́сленная прегреше́ния, обрати́т мя к покая́нию, и Свои́х за́поведей де́лателя иску́сна яви́т мя. И предста́ни мне при́сно, я́ко ми́лостивая, и милосе́рдая, и благолюби́вая, в настоя́щем у́бо житии́ те́плая Предста́тельнице и Помо́щнице, сопроти́вных наше́ствия отгоня́ющи, и ко спасе́нию наставля́ющи мя: и во вре́мя исхо́да моего́ окая́нную мою́ ду́шу соблюда́ющи, и те́мныя зра́ки лука́вых бесо́в дале́че от нея́ отгоня́ющи: в стра́шный же день суда́ ве́чныя мя избавля́ющи му́ки, и неизрече́нныя сла́вы Твоего́ Сы́на и Бо́га на́шего насле́дника мя показу́ющи. Ю́же и да улучу́, Влады́чице моя́, Пресвята́я Богоро́дице, Твои́м хода́тайством и заступле́нием, благода́тию и человеколю́бием Единоро́днаго Сы́на Твоего́, Го́спода и Бо́га и Спа́са на́шего Иису́са Христа́. Ему́же подоба́ет вся́кая сла́ва, честь и поклоне́ние, со Безнача́льным Его́ Отце́м, и Пресвяты́м, и Благи́м, и Животворя́щим Его́ Ду́хом, ныне и при́сно, и во ве́ки веко́в, ами́нь.

Слава Отцу и Сыну и Святому Духу, и ныне и присно и во веки веков. Аминь. Господи помилуй (Трижды). Господи, благослови.

Господи, Иисусе Христе Сыне Божий, молитвами Пречистыя Твоея Матери и всех святых помилуй и спаси нас, яко благ и Человеколюбец. Аминь.

Источник