Сеченое сечется ноты обиход

[Товар временно отсутствует в продаже]

Песнопения Страстной седмицы требуют особенного внимания при подготовке к богослужению в эти дни, поскольку исполняются один раз в течение годичного богослужебного круга. Песнопения этого периода исполнены особенного назидательного значения, последовательно раскрывая события последних дней земной жизни Спасителя. Они рассказывают о страданиях Господа за весь человеческий род и крестной смерти Христа, помогая подготовиться к великому Христову Воскресению в день Пасхи.

Исключительное значение песнопений обуславливает их особую торжественность и важность, поэтому материал, приведенный в книге, подобран таким образом, чтобы дать возможность хорошо подготовиться как профессиональному, так и любительскому хору. Песнопения приводятся в основном для исполнения «в терцию». Вниманию читателя предлагаются последования киевского, болгарского и обиходного распева, несложные для разучивания, которые могут быть исполнены как в соборе, так и в небольшом сельском храме.

Дополнительная информация о книге

Содержание

1. Се Жених грядет. Киевский распев – 3
2. Чертог Твой. Киевский распев – 4
3. Егда славнии ученицы. Киевский распев – 5
4. Канон «Сеченное сечется». Глас 6. Напев Глинской пустыни в изл. арх. Матфея – 7
5. Вечери Твоея. Напев Киево-Печерской лавры – 13
6. Вечери Твоея. Напев Зосимовой пустыни в изл. арх. Матфея – 14
7. Опевы Евангелия. Обиходный напев – 15
8. Великий прокимен. Знаменного распева в изл. арх. Матфея – 16
9. Великий прокимен. A. Львов – 17
10. Трипеснец в Великий Пяток. B. Лирина – 18
11. Разбойника благоразумнаго. Напев Киево-Печерской лавры – 21
12. Стихиры на стиховне. Глас 2, под. «Егда от древа» напева Оптиной пустыни – 22
13. Тебе одеющагося. Болгарского распева – 27
14. Благообразный Иосиф. Глас 2, Болгарского распева – 32
15. Непорочны. Глас 5, Греческого распева – 39
16. Канон «Волною морскою». Обиходный напев – 48
17. Придите ублажим Иосифа. Д. Бортнянский – 56
18. Славно бо прославися. Обиходный напев – 60
19. Прокимен. Обиходный напев – 60
20. Воскресни Боже. Напев Киево-Печерской лавры – 61
21. Да молчит всякая плоть. Напев «Видя разбойник» гарм. прот. И. Соломина – 62
22. Причастный стих. Прот. И. Соломин – 65

Источник

Канон в Великий Четверг Страстной Седмицы

Канон, творение господина Космы, глас 6, егоже краестрочие: Ти макра́ пе́мпти макро́н и́мнон екса́до. Еже есть, В Вели́кий Четверто́к до́лгую песнь пою́.

<Τ> Ирмос: Се́ченое, сече́тся / мо́ре Чермно́е, / волнопита́емая же изсуша́ется глубина́, / та́яжде ку́пно безору́жным бы́вши проходи́ма / и всеору́жным гроб. / Песнь же Богокра́сная воспева́шеся: / сла́вно просла́вися Христо́с, Бог наш.

<Η>Всевино́вная и пода́тельная жи́зни, / безме́рная му́дрость Бо́жия, / созда́ храм Себе́ от Чи́стыя Неискусому́жныя Ма́тере. / в храм бо теле́сно оболки́йся, / сла́вно просла́вися Христо́с, Бог наш.

<Μ>Тайноводя́щи дру́ги Своя́, / душепита́тельную уготовля́ет Трапе́зу, / безсме́ртия же вои́стинну му́дрость Бо́жия растворя́ет Ча́шу ве́рным. / Присту́пим благоче́стно, и возопии́м: / сла́вно просла́вися Христо́с Бог наш.

<Α>Услы́шим, вси ве́рнии, / созыва́ющую высо́ким пропове́данием, / несозда́нную и есте́ственную прему́дрость Бо́жию, / вопие́т бо: вкуси́те и разуме́вше, я́ко Христо́с Аз, возопи́йте: / сла́вно просла́вися Христо́с, Бог наш.

<Κ> Ирмос: Госпо́дь Сый всех и Зижди́тель Бог, / созда́нное безстра́стный обнища́в Себе́ соедини́, / и Па́сха, за я́же хотя́ше умре́ти, / Сам, Сый, Себе́ предпожре́: / яди́те, вопия́, Те́ло Мое́, / и ве́рою утверди́теся.

<Ρ>Изба́вительною всего́ ро́да челове́ча, / Твое́ю, Бла́же, Твоя́ ученики́ напои́л еси́ весе́лия Ча́шею, напо́лнив ю́, / Сам бо Себе́ священноде́йствуеши, / пи́йте, вопия́, Кровь Мою́, / и ве́рою утверди́теся.

<Α>Безу́мный муж и́же в вас преда́тель, / ученико́м Твои́м предре́кл еси́ Незло́биве, / не уразуме́ет сих, / и той несмы́слен сый не и́мать разуме́ти. / Оба́че во Мне пребу́дите, / и ве́рою утверди́теся.

Седален, глас 1.
Подобен: Гроб Твой:

Езе́ра и исто́чники, и моря́ сотвори́вый, / смире́нию нас наказу́я изря́дному, / ле́нтием опоя́сався, ученико́в но́ги умы́, / смиря́яся премно́жеством благоутро́бия, / и возвыша́я нас от про́пастей зло́бы, / Еди́н Человеколю́бец.

Слава, глас 3.
Подобен: Боже́ственныя ве́ры:

Смиря́яся за благоутро́бие, / но́ги умы́л еси́ ученико́в Твои́х, / и к тече́нию Боже́ственному сия́ напра́вил еси́, / не повину́яся же Петр умы́тися, / а́бие Боже́ственному повину́ется повеле́нию, / омыва́емь, и Тебе́ приле́жно моля́ся, / дарова́ти нам ве́лию ми́лость.

И ныне, глас 4.
Подобен: Яви́лся еси́ днесь:

Яды́й Влады́ко со ученики́ Твои́ми, / та́инственно яви́л еси́ всесвято́е Твое́ заколе́ние, / и́мже тли изба́вихомся, / честна́я Твоя́ почита́ющии страда́ния.

<Π> Ирмос: Прови́дев проро́к / та́йну Твою́ неизрече́нную, Христе́, провозгласи́: / положи́л еси́ тве́рдую любо́вь кре́пости, О́тче Щедрый, / Единоро́днаго бо Сы́на, Благи́й, / очище́ние в мир посла́л еси́.

<Ε>На страсть всем су́щим из Ада́ма источи́вшую безстра́стие, / Христе́, гряды́й, друго́м Твои́м рекл еси́: / с ва́ми Па́схи сея́ причасти́тися возжела́х: / единоро́днаго бо Мя очище́ние Оте́ц в мир посла́л есть.

<Μ>Причаща́яся Ча́ши, / ученико́м вопия́л еси́, Безсме́ртне: / плода́ ло́знаго ктому́ не пию́ про́чее, с ва́ми живя́, / единоро́днаго бо Мя очище́ние Оте́ц в мир посла́л есть.

<Π>Питие́ но́вое па́че сло́ва, / Аз глаго́лю, во Ца́рствии Мое́м, Христо́с друго́м, пию́, / я́коже бо Бог с ва́ми бо́ги бу́ду, рекл еси́: / единоро́днаго бо Мя очище́ние Оте́ц в мир посла́л есть.

<Τ> Ирмос: Сою́зом любве́ / связу́еми апо́столи, / влады́чествущему все́ми себе́ Христу́ возло́жше, / кра́сны но́ги очища́ху, / благовеству́юще всем мир.

<Η>Неодержи́мую держа́щая, / и превы́спреннюю на возду́се во́ду, / бе́здны обуздова́ющая, / и моря́ востязу́ющая Бо́жия Прему́дрость, / во́ду во умыва́льницу влива́ет, / но́ги же омыва́ет рабо́в Влады́ка.

<Μ>Ученико́м показу́ет смире́ния о́браз Влады́ка, / о́блаки облага́яй не́бо, препоясу́ется ле́нтием, / и преклоня́ет коле́на, рабо́м омы́ти но́ги, / в Его́же руце́ дыха́ние всех су́щих.

<Α> Ирмос: Бе́здна после́дняя грехо́в обы́де мя, / и волне́ния не ктому́ терпя́, / я́ко Ио́на Влады́це, вопию́ Ти: / от тли мя возведи́.

<Κ>Го́спода глаша́ете Мя, о ученицы́, и Учи́теля: / есмь бо, Спа́се, вопия́л еси́. / Те́мже подража́йте о́браз, его́же во Мне ви́десте.

<Ρ>Скве́рны кто не име́я, омы́ти не тре́бует ног, / чи́сти же, о ученицы́ вы, но не вси, / мгнове́нием бо безчи́нно еди́н от вас неи́стовствует.

Кондак, глас 2.
Подобен: Вы́шних ища́:

Хлеб прие́м в ру́це преда́тель, / сокрове́нно ты́я простира́ет, / и прие́млет це́ну Созда́вшаго Свои́ма рука́ма челове́ка, / и неиспра́влен пребы́сть / Иу́да, раб и льстец.

Икос: Та́йной трапе́зе, в стра́се прибли́жившеся вси, / чи́стыми душа́ми хлеб прии́мем, спребыва́юще Влады́це, / да ви́дим, ка́ко умыва́ет но́ги ученико́в, / и сотвори́м, я́коже ви́дим, / друг дру́гу покаря́ющеся, и друг дру́гу но́зе умыва́юще, / Христо́с бо та́ко повеле́ Свои́м ученико́м, / предре́к та́ко твори́ти, / но не услы́ша Иу́да раб и льстец.

<Ο> Ирмос: О́троцы в Вавило́не / пе́щнаго пла́мене не убоя́шася, / но посреде́ пла́мене вве́ржени, ороша́еми поя́ху: / благослове́н еси́ Го́споди, Бо́же оте́ц на́ших.

<Ν>Помава́я главо́ю Иу́да зла́я предзре́в подви́же, / благовре́мение иски́й преда́ти Судию́ на осужде́ние, / И́же всех есть Госпо́дь и Бог оте́ц на́ших.

<Υ>Вам Христо́с друго́м вопия́ше: / еди́н преда́ст Мя, / весе́лия забы́вше, ско́рбию и стра́хом одержи́ми бя́ху: / кто сей, скажи́, глаго́люще, Бо́же оте́ц на́ших?

<Μ>И́же со Мно́ю ру́ку свою́ в соли́ло вложи́т де́рзостию, / тому́ оба́че добро́ бы врата́ жития́ пройти́ никогда́же, / сего́, и́же бе преда́тель, явля́ше Бог оте́ц на́ших.

<Ν> Ирмос: За зако́ны оте́ческия / блаже́ннии в Вавило́не ю́ноши, предбе́дствующе, / царю́ющаго оплева́ша повеле́ние безу́мное, / и совоку́плени, и́мже не свари́шася огне́м, / Держа́вствующему досто́йную воспева́ху песнь: / Го́спода по́йте, дела́, / и превозноси́те во вся ве́ки.

<Ο>Сообе́дницы блаже́ннии, / в Сио́не сло́вом претерпе́вше апо́столи после́доваху Па́стырю, / я́ко а́гнцы, и совоку́плени, Его́же не разлучи́шася Христа́, / Боже́ственным сло́вом пита́еми, благода́рственно вопия́ху: / Го́спода по́йте дела, и превозноси́те во вся ве́ки.

<Ν>Зако́нныя дру́жбы злоимени́тый Искарио́т во́лею забы́в, / я́же но́зе умы́, угото́ви на преда́ние, / и Твой яды́й Хлеб, Те́ло Боже́ственное, / воздви́же ков на Тя Христе́, и вопи́ти не разуме́: / Го́спода по́йте дела́, и превозноси́те во вся ве́ки.

<Ε>Приима́ше реши́тельное греха́ Те́ло безсо́вестный, / и Кровь излива́емую за мир Боже́ственную, / но не стыдя́шеся пия́, ю́же продая́ше на цене́, / о зло́бе же не негодова́, и вопи́ти не разуме́: / Го́спода по́йте дела́, и превозноси́те во вся ве́ки.

<Ξ> Ирмос: Стра́нствия Влады́чня, / и безсме́ртныя Трапе́зы / на го́рнем ме́сте высо́кими умы́, / ве́рнии, прииди́те, наслади́мся, / возше́дша Сло́ва, / от Сло́ва научи́вшеся, Его́же велича́ем.

<Α>Иди́те, ученико́м сло́во рече́, / Па́сху на го́рничном ме́сте, е́юже ум утвержда́ется, / и сию́ тайноводи́тельно угото́вите, / безква́сным и́стинным сло́вом, / тве́рдое же благода́ти велича́йте.

<Δ>Соде́тельницу Оте́ц пре́жде век прему́дрость ражда́ет Мя, нача́ток путе́й, / в дела́ созда́ ны́не та́йно соверша́емая, / Сло́во бо несозда́нное сый естество́м, / гла́сы присвоя́юся, его́же ны́не прия́х.

<Ω>Я́ко челове́к сый существо́м, не мечта́нием, / си́це Бог нра́вом воздая́ния, естество́ соедини́вшееся мне. / Христа́ еди́наго тем Мя зна́йте, / от ни́хже, в ни́хже, я́же есмь, спаса́юща.

Черто́г Твой ви́жду, Спа́се мой, украше́нный, / и оде́жды не и́мам, да вни́ду в онь, / просвети́ одея́ние души́ моея́, / Светода́вче, и спаси́ мя.

Источник