Всесвятая богородице во время живота моего не остави мене ноты

Стихиры Часослова на Великом Повечерии, по третьем Трисвятом

Стихира 1-я на Великом Повечерии по 3-м Трисвятом, глас 6:

Го́споди сил, с на́ми бу́ди,/ ино́го бо ра́зве Тебе́/ помо́щника в ско́рбех не и́мамы:// Го́споди сил, поми́луй нас.
Стих 1: Хвали́те Бо́га во святы́х Его́,// хвали́те Его́ во утверже́нии си́лы Его́.
Го́споди сил, с на́ми бу́ди…
Стих 2: Хвали́те Его́ на си́лах Его́,// хвали́те Его́ по мно́жеству вели́чествия Его́.
Го́споди сил, с на́ми бу́ди…
Стих 3: Хвали́те Его́ во гла́се тру́бнем,// хвали́те Его́ во псалти́ри и гу́слех.
Го́споди сил, с на́ми бу́ди…
Стих 4: Хвали́те Его́ в тимпа́не и ли́це,// хвали́те Его́ во стру́нах и орга́не.
Го́споди сил, с на́ми бу́ди…
Стих 5: Хвали́те Его́ в кимва́лех доброгла́сных,// хвали́те Его́ в кимва́лех восклица́ния.
Го́споди сил, с на́ми бу́ди…
//Вся́кое дыха́ние да хва́лит Го́спода.
Го́споди сил, с на́ми бу́ди…
Хвали́те Бо́га во святы́х Его́,// хвали́те Его́ во утверже́нии си́лы Его́.
Го́споди сил, с на́ми бу́ди,/ ино́го бо ра́зве Тебе́/ помо́щника в ско́рбех не и́мамы:// Го́споди сил, поми́луй нас.

Стіхи1ра № вели1кагw повечeріz, по G трис™0мъ, глaсъ ѕ7:

Г Dи си1лъ съ нaми бyди,/ и3н0гw бо рaзвэ тебE/ пом0щника въ ск0рбехъ не и4мамы:// гDи си1лъ, поми1луй нaсъ.
Стjхъ №: Х вали1те бGа во с™hхъ є3гw2,// хвали1те є3го2 во ўтвержeніи си1лы є3гw2.
Г Dи си1лъ, съ нaми бyди:
Стjхъ в7: Х вали1те є3го2 на си1лахъ є3гw2,// хвали1те є3го2 по мн0жеству вели1чествіz є3гw2.
Г Dи си1лъ, съ нaми бyди:
Стjхъ G: Х вали1те є3го2 во глaсэ трyбнэмъ,// хвали1те є3го2 во pалти1ри и3 гyслехъ.
Г Dи си1лъ, съ нaми бyди:
Стjхъ д7: Х вали1те є3го2 въ тmмпaнэ и3 ли1цэ,// хвали1те є3го2 во стрyнахъ и3 nргaнэ.
Г Dи си1лъ, съ нaми бyди:
Стjхъ є7: Х вали1те є3го2 въ кmмвaлэхъ доброглaсныхъ,// хвали1те є3го2 въ кmмвaлэхъ восклицaніz.
Г Dи си1лъ, съ нaми бyди:
// В сsкое дыхaніе да хвaлитъ гDа.
Г Dи си1лъ, съ нaми бyди:
Х вали1те бGа во с™hхъ є3гw2,// хвали1те є3го2 во ўтвержeніи си1лы є3гw2.
Г Dи си1лъ, съ нaми бyди,/ и3н0гw бо рaзвэ тебE/ пом0щника въ ск0рбехъ не и4мамы:// гDи си1лъ, поми1луй нaсъ.

Сла́ва Отцу́ и Сы́ну и Свято́му Ду́ху:

Стихира 2-я на Великом Повечерии по 3-м Трисвятом, глас 6:

Го́споди, аще не бы́хом святы́я Твоя́ име́ли моли́твенники,/ и благосты́ню Твою́ ми́лующую нас:/ ка́ко сме́ли бы́хом Спа́се, пе́ти Тя,/ Его́же славосло́вят непреста́нно А́нгели;// Сердцеве́дче, пощади́ ду́ши на́ша.

Стіхи1ра в7 вели1кагw повечeріz, по G трис™0мъ, глaсъ ѕ7:

Г Dи, ѓще не бhхомъ с™ы6z тво‰ и3мёли мlтвенники,/ и3 бlгостhню твою2 ми1лующую нaсъ:/ кaкw смёли бhхомъ сп7се, пёти тS,/ є3г0же славосл0вzтъ непрестaннw ѓгGли;// сердцевёдче, пощади2 дyшы нaшz.

И ны́не и при́сно и во ве́ки веко́в. Ами́нь.

Стихира 3-я на Великом Повечерии по 3-м Трисвятом, глас 6:

Мно́гая мно́жества мои́х, Богоро́дице, прегреше́ний,/ к Тебе́ прибего́х, Чи́стая,/ спасе́ния тре́буя./ Посети́ немощству́ющую мою́ ду́шу,/ и моли́ Сы́на Твоего́ и Бо́га на́шего,/ да́ти ми оставле́ние,/ я́же соде́ях лю́тых,// еди́на Благослове́нная.

Стіхи1ра G вели1кагw повечeріz, по G трис™0мъ, глaсъ ѕ7:

М нHгаz мн0жєства мои1хъ бцdе прегрэшeній,/ къ тебЁ прибэг0хъ чи1стаz,/ сп7сeніz трeбуz./ посэти2 немощствyющую мою2 дyшу,/ и3 моли2 сн7а твоего2 и3 бGа нaшего,/ дaти ми2 њставлeніе,/ ±же содёzхъ лю1тыхъ,// є3ди1на бlгословeннаz.

Стихира 4-я на Великом Повечерии по 3-м Трисвятом, глас 6:

Всесвята́я Богоро́дице,/ во вре́мя живота́ моего́/ не оста́ви мене́,/ челове́ческому предста́тельству не вве́ри мя:// но Сама́ заступи́, и поми́луй мя.

Стіхи1ра д7 вели1кагw повечeріz, по G трис™0мъ, глaсъ ѕ7:

В сес™az бцdе,/ во врeмz животA моегw2/ не њстaви менE,/ человёческому предстaтельству не ввёри мS:// но самA заступи2, и3 поми1луй мS.

Стихира 5-я на Великом Повечерии по 3-м Трисвятом, глас 6:

Все упова́ние мое́ на Тя возлага́ю, Ма́ти Бо́жия,// сохрани́ мя под кро́вом Твои́м.

Стіхи1ра є7 вели1кагw повечeріz, по G трис™0мъ, глaсъ ѕ7:

В сE ўповaніе моE на тS возлагaю, м™и б9іz,// сохрани1 мz под8 кр0вомъ твои1мъ.

Источник

Из чинопоследований

При начатии всякаго добраго дела

Тропарь гл. 2. Творче и Создателю всяческих, Боже, | дела рук наших, к славе Твоей начинаемая, | Твоим благословением спешно исправи, | и нас от всякаго зла избави, | яко един всесилен и Человеколюбец.

Кондак, гл. 6. Скорый в заступление и крепкий в помощь, | предстани благодатию силы Твоея ныне, и благословив укрепи, | и в совершение намерения благаго дела рабов Твоих произведи: | вся бо, елика хощеши, | яко сильный Бог творити можеши.

Прокимен, гл. 4. Буди светлость Господа Бога нашего на нас, | и дела рук наших исправи.

Молебен при начатии учения отроков

Тропарь, гл. 6. Яко посреде учеников Твоих, | пришел еси, Спасе. | мир дая им, | прииди к нам, и спаси нас.

Другой. Безкнижныя ученики Дух Твой Святый наказатели яви Христе Боже, | и многовещанным сличием языков прелесть упраздни, | яко всесилен.

Слава, гл. 8. Благословен еси, Христе Боже наш, Иже премудры ловцы явлей, | низпослав им Духа Святаго, | и теми уловлей вселенную, человеколюбче Христе Боже наш, слава Тебе.

И ныне, гл. 8. Предстательство христиан непостыдное, | ходатайство ко Творцу непреложное, | не презри грешных молений гласы, но предвари яко Благая на помощь нас, верно зовущих Ти: | ускори на молитву, | и потщися на умоление, | предстательствующи присно, Богородице, чтущих Тя.

Прокимен, гл. 4. Из уст младенец, и ссущих совершил еси хвалу.

Благодарственный Господу Богу молебен

Тропарь, гл. 4. Благодарим суще недостойнии раби Твои, Господи, | о Твоих великих благодеяниих на нас бывших, | славяще Тя хвалим, благословим, благодарим, поем, и величаем Твое благоутробие, | и рабски любовию вопием Ти: | благодетелю Спасе наш, слава Тебе.

Кондак, гл. 3. Твоих благодеяний, и даров туне яко раби непотребнии сподобльшеся, Владыко, | к Тебе усердно притекающе, благодарение по силе приносим, | и Тебе, яко благодетеля и Творца славящее, вопием: | слава Тебе, Боже прещедрый.

Богородичен. гл. 3. Богородице Христианом помощнице, | Твое предстательство стяжавше раби Твои, | благодарно Тебе вопием: | радуйся. Пречистая Богородице Дево, | и от всех нас бед Твоими молитвами всегда избави, | едина вскоре предстательствующая.

Прокимен, гл. 4. Воспеваю Господеви, благодеявшему мне, | и пою имени Господа Вышняго.

Хвалебная песнь св. Амвросия Медиоланскаго. Тебе Бога хвалим, | Тебе Господа исповедуем, | Тебе превечнаго Отца вся земля величает: | Тебе вси ангели. Тебе небеса и вся силы, | Тебе херувими и серафими непрестанными гласи взывают: | Свят, Свят, Свят Господь Бог Саваоф, | полны суть небеса и земля величества славы Твоея. | Тебе преславный апостольский лик, | Тебе пророческое хвалебное число, | Тебе хвалит пресветлое мученическое воинство | Тебе по всей вселенней исповедает святая Церковь, Отца непостижимаго величества, | покланяемаго Твоего истиннаго и Единороднаго Сына, | и Святаго Утешителя Духа. | Ты Царю славы. Христе, | Ты Отца присносущный Сын еси: | Ты, ко избавлению приемля человека, не возгнушался еси девическаго чрева: | Ты, одолев смерти жало, | отверзл еси верующим царство небесное: | Ты одесную Бога седиши | во славе Отчей, | Судия прийти веришися. | Тебе убо просим, | помози рабам Твоим, | их же честною кровию искупил еси; | сподоби со святыми Твоими в вечней славе Твоей царствовати. | Спаси люди Твоя, Господи, | и благослови достояние Твое, | исправия, и вознеси их во веки: | во вся дни благословим Тебе, | и восхвалим имя Твое во век, и во век века. | Сподоби, Господи, в день сей без греха сохранитися нам; | помилуй нас, Господи, помилуй нас,| буди милость Твоя, Господи, на нас, | яко же уповахом на Тя. | На Тя, Господи, уповахом, | да не постыдимся во веки, аминь.

Чин панихиды

Тропарь, гл. 8. Глубиною мудрости человеколюбно вся строяй, | и полезное всем подаваяй, едине Содетелю, | упокой, Господи, души раб Твоих: | на Тя бо упование возложиша, | Творца и Зиждителя и Бога нашего.

Слава и ныне, гл. 8. Тебе и стену, и пристанище имамы, | и молитвенницу благоприятну к Богу, | Его же родила еси, Богородице безневестная, верных спасение.

Тропари мертвым, гл. 5

(Припев) Благословен еси Господи, научи мя оправданием Твоим

– Святых лик обрете источник жизни | и дверь райскую, да обрящу и аз путь покаянием: погибшее овча аз есмь, | воззови мя, Спасе, и спаси мя.

– Агнца Божия проповедавше, | и заклани бытие яко же агнцы | и к жизни нестареемей, святии, и присносущней преставльшеся, | Того прилежно, мученицы, молите, | долгов разрешение нам даровати.

– В путь узкий хождшии прискорбный, | вси в житии крест яко ярем вземшии, | и Мне последовавший верою, | приидите насладитеся, | их же уготовах вам почестей и венцов небесных.

– Образ есмь неизреченный Твоея славы, | аще и язвы ношу прегрешений: | ущедри Твое создание, Владыко, | и очисти Твоим благоутробием, | и возжеленное отечество подаждь ми, | рая паки жителя мя сотворяя.

– Древле убо от не сущих создавый мя, | и образом Твоим Божественным почтый, | преступлением же заповеди | паки мя возвративый в землю, от неяже взят бых, | на еже по подобию возведи | древнею добротою возобразитися.

– Упокой Боже, раба Твоего | (или рабу Твою, или рабы Твоя), и учини его (или ю, или я) в раи, | идеже лицы святых Господи, | и праведницы сияют яко светила: | усопшаго раба Твоего (или усопшую рабу Твою, или усопшия рабы Твоя) упокой, | презирая его (или ея, или их) вся согрешения.

Слава. Трисиятельное единаго Божества, благочестно поем вопиюще: | свят еси Отце безначальный, | собезначальный Сыне и Божественный Душе: | просвети нас верою Тебе служащих, | и вечнаго огня исхити.

И ныне. Радуйся, Чистая, | Бога плотию рождшая во спасение всех. | Его же род человеческий обрете спасение, | Тобою да обрящем рай, Богородице чистая благословенная.

Аллилуия, аллилуия, аллилуия, | слава Тебе Боже (трижды).

Седален, гл. 5. Покой, Спасе наш, | с праведными раба Твоего (или рабу Твою, или рабы Твоя), | и сего (или сию, или сия) всели во дворы Твоя, | яко же есть писано: | презирая яко благ прегрешения его (или ея, или их) вольная и невольная, и вся яже в ведении и не в ведении, Человеколюбче.

Слава, и ныне, Богородичен. От Девы возсияный миру, Христе Боже, сыны света Тою показавый, помилуй нас.

Ирмосы, гл. 8. Песнь 1-ая. Воду прошед яко сушу, | и египетскаго зла избежав, | израильтянин вопияше: избавителю и Богу нашему поим.

Припев. Покой, Господи, душу усопшаго раба Твоего.

Песнь 3-я. Небеснаго круга | верхотворче, Господи, и церкве Зиждителю, Ты мене утверди в любви Твоей, | желаний краю, верных утверждение, едине Человеколюбче.

Седален, гл. 6. Воистинну суета всяческая, житие же сень, и соние: | ибо всуе мятется всяк земнородный, яко же рече Писание: | егда мир приобрящем, | тогда во гроб вселимся, | идеже вкупе царие и нищий. | Тем же, Христе Боже, | преставльшагося (или: преставльшуюся, или: преставльшияся) упокой, | яко Человеколюбец.

Слава, и ныне. Всесвятая Богородице, | во время живота моего не остави мене, | человеческому предстательству не ввери мя, | но Сама заступи и помилуй мя.

Песнь 4-я. Ты мои крепость, Господи, | Ты моя и сила, Ты мой Бог, Ты мое радование, | не оставль недра Отча, | и нашу нищету посетив. | Теми с пророком Аввакумом зову Ти: | силе Твоей слава, Человеколюбче.

Песнь 5-я. Всякую мя отринул еси | от лица Твоего, Свете незаходимый, | и покрыла мя есть чуждая тьма окаяннаго; | но обрати мя, и к свету заповедей Твоих | пути моя направи, молюся.

Песнь 6-я. Молитву пролию ко Господу. | и Тому возвещу печали моя: | яко зол душа моя исполнися, | и живот мой аду приближися: | и молюся яко Иона: | от тли, Боже, возведи мя.

Кондак. гл. 8. Со святыми упокой, | Христе, душу раба Твоего | (или: рабы Твоея, или: души раб Твоих), идеже несть болезнь, ни печаль, ни воздыхание, но жизнь бесконечная.

Икос. Сам един еси бессмертный, сотворивый и создавый человека: | земнии убо от земли создахомся | и в землю туюжде пойдем, | яко же повелел еси, создавый ми и рекий ми: | яко земля еси и в землю отъидеши, | аможе вси человецы пойдем, надгробное рыдание творяще песнь: | аллилуия, аллилуия, аллилуия.

Песнь 7-я. Отроцы еврейстии в пещи | попраша пламень дерзновенно | и на росу огнь преложиша, вопиюще: | благословен еси, Господи Боже, во веки.

Песнь 8-я. Мусикийским органом согласующим, | и людем безчисленным покланяющимся образу в Деире, | три отроцы не повинувшеся, | Господа воспеваху и славословляху во вся веки.

Лик: Дуси и души праведных восхвалят Тя, Господи.

Песнь 9-я. Ужасеся о сем небо, | и земли удивишася концы, | яко Бог явися человеком плотски, | и чрево Твое бысть пространнейшее небес: | тем Тя, Богородицу, | Ангелов и человек чиноначалия величают.

Тропарь, гл. 4. Со духи праведных скончавшихся душу раба Твоего (или: рабы Твоея, или: души раб Твоих), Спасе, упокой, | сохраняя ю (или: их) во блаженней жизни, яже у тебе , Человеколюбче.

– В покоищи Твоем, Господи, | идеже вси святии Твои упокоеваются, | упокой и душу раба Твоего (или: рабы Твоея, или: души раб Твоих), яко един еси Человеколюбец.

Слава: Ты еси Бог, сошедый во ад и узы окованных разрешивый, | Сам и душу раба Твоего (или: рабы Твоея, или: души раб Твоих) упокой.

И ныне: Едина чистая и непорочная Дево, Бога без семене рождшая, | моли спастися души его (или: ея, или: душам их).

– Во блаженном успении вечный покой подаждь, Господи, успшему рабу Твоему (или: успшей рабе Твоей, или: успшим рабом Твоим) (имя рек), и сотвори ему (или: ей, или: им) вечную память. || Вечная память. (Трижды).

Стихиры из чина погребения умерших

– Гл. 8. Плачу и рыдаю, | егда помышляю смерть, и вижду во гробех лежащую | по образу Божию созданную нашу красоту, | безобразну, безславну, | не имущую вида. | О чудесе! | что еже о нас сие бысть таинство? | како предахомся тлению? | како сопрягохомся смерти? | воистинну Божиим повелением, | яко же есть писано, | подающаго преставльнимся покой.

– Слава, гл. 6. Зряще мя безгласна. | и бездыханна предлежаща, | восплачите о мне, братие и друзи, сродницы и знаемии: | вчерашний бо день беседовах с вами, | и внезапу найде на мя страшный час смертный. | Но приидите вси любящий мя, | и целуйте мя последним целованием, | не ктому бо с вами похожду, | или собеседую прочее: | к Судии бо отхожду, | идеже несть лицеприятия: | раб бо и владыка вкупе предстоят, | царь и воин, богатый и убогий, | в равнем достоинстве: | кийждо бо от своих дел | или прославится, или постыдится. | Но прошу всех и молю, | непрестанно о мне молитеся Христу Богу, | да не низведен буду по грехом моим, | на место мучения; | но да вчинит мя, идеже свет животный.

– И ныне, гл. 6. Богородичен. Молитвами Рождшия Тя, Христе, | и Предтечи Твоего, | Апостолов, Пророков, Иерархов, | преподобных и праведных, и всех Святых, | усопшаго раба Твоего упокой.

Малое освящение воды

Тропари, гл. 4. К Богородице прилежно ныне.

Слава и ныне, гл. 4. Не умолчим никогда.

Тропарь, гл. 6. Еже радуйся Ангелом приимшая, | и рождшая Зиждителя Твоего, Дево, спасай Тя величающия.

– Воспеваем Сына Твоего, Богородице, | и вопием. Пречистая Владычице, | всякия беды избави рабы Твоя:

– Царем, пророком и апостолом, | и мучеником Ты еси похвала, | и предстательница миру, Всенепорочная.

– Язык всяк православных похваляет, и блажит, | и славит пречистое Рождество Твое, | Марие Богоневестная.

– Даждь, Христе мой, и мне недостойному | долгов оставление, молюся Тя рождшия молитвами, | яко благоутробен.

Слава: – Отца и Сына славословим, | и Духа Святаго, глаголюще: | Троице Святая, спаси души наша.

И ныне: – Неизреченно в последняя заченшая, | и рождшая Создателя Твоего, | Дево, спасай Тя величающия.

– Милосердия двери отверзи нам, | благословеная Богородице, надеющийся на Тя да не погибнем, | но да избавимся Тобою от бед: | Ты бо еси спасение рода христианскаго.

Гл. 6. Ныне наста время всех освящающее, и Праведный нас ждет Судия, | но обратися душе к покаянию, | яко блудница зовущи со слезами: | Господи, помилуй мя.

– Водами одождивый, Христе, источник исцелений, | во всечестнем храме Девы днесь , | Твоего благословения окроплением, | отгоняеши недуги немотствующих, | Врачу душ и телес наших.

– Дева родила еси неискусобрачная | и Дево пребыла еси, Мати безневестная. | Богородице Марие, | Христа Бога нашего моли спастися нам.

– Пресвятая Богородице Дево, | рук наших дела исправи, | и прощение прегрешений наших испроси, | внегда пети нам Ангельское пение.

Святый Боже, Святый Крепкий, Святый Безсмертный, помилуй нас.

Прокимен, гл. 3. Господь просвещение мое, | и Спаситель мой, кого убоюся.

Тропарь, гл. 1. Спаси, Господи, люди Твоя.

Тропарь, гл. 2. Твоих даров достойны нас сотвори, Богородице Дево, | презирающи согрешения наша, | и подаюши исцеления верою приемлющим благословение Твое, Пречистая.

– гл. 4. Источник исцелений, имуще святии бессребреницы, | исцеления подаваете всем требующим, | яко превелиих дарований сподобльшиися | от приснотекущаго источника Спаса нашего, | Глаголет бо к вам Господь, | яко единоревнителем апостольским: | седах вам власть на духи нечистыя, | яко же тех изгонит, и целити всякий недуг, и всякую язю: | тем же в повелениих Его добре жительствовавше, | туне приясте, туне подаваете, | исцеляюще страсти душь и телес наших.

– гл. 4. Призри на моление Твоих раб Всенепорочная, | утоляющи лютая на ны востания, всякия скорби нас изменяющие | Тя бо едину твердое и известное утверждение имамы, | и Твое предстательство стяжахом, | да не постыдимся, Владычице, Тя призывающий. | Потщися на умоление, Тебе верою вопиющих: | радуйся Владычице, всех помоще, | радосте и покрове, и спасение душ наших.

– гл. 8. Владычице, приими молитвы рабов Твоих, | и избави нас от всякия нужды и печали.

Из молебных пений Пресвятой Богородице

Тропарь, гл. 4. К Богородице прилежно ныне притецем.

– Не умолчим никогда Богородице.

Припевы. Спаси от бед рабы Твоя, Богородице, | яко вси по Бозе к Тебе прибегаем, | яко нерушимей стене и предстатсльству.

– Призри благосердием, всепетая Богородице, на мое лютое телесе озлобление, и исцели души моея болезнь.

Тропарь, гл. 2. Моление теплое, и стена необоримая, | милости источниче, мирови прибежище, | прилежно вопием Ти: | Богородице Владычице, предвари, и от бед избави нас, | едина вскоре предстательствующая.

Кондак, гл. 6. Предстательство христиан непостыдное, | ходатайство ко Творцу непреложное, | не презри грешных молений гласы, | но предвари яко благая на помощь нас, | верно зовущих Ти: ускори на молитву, и потщися на умоление, | предстательствующи присно, Богородице, чтущих Тя.

– Гл. 6. Не ввери мя человеческому предстательству Пресвятая Владычице, | но приими моление раба Твоего: скорбь бо обдержит мя, | терпети не могу демонскаго стреляния, | покрова не имам, | ниже где прибегну окаянный, | всегда побеждаем, | и утешения не имам, | разве Тебе, Владычице мира: | упование и предстательство верных, | не презри моление мое, | полезно сотвори.

– Вышшую небес и чистшую светлостей солнечных, | избавлыную нас от клятвы, | Владычицу мира песньми почтим.

От многих моих грехов немотствует тело, | немоществует и душа моя: | к Тебе прибегаю благодатней, | надеждо ненадежных, | Ты ми помози.

Владычице и Мати Избавителя, | приими моление недостойных раб Твоих, | да ходатайствует и к Рождшемуся от Тебе : | О Владычице мира, буди ходатаица!

Поем прилежно Тебе песнь ныне всепетой Богородице | радостно, со Предтечею, | и всеми Святыми, | моли Богородице, еже ущедрити ны.

Вся Ангелов воинства, | Предтече Господень, | апостолов двоенадесятице, | Святии вся с Богородицею сотворите молитву, | во еже спастися нам.

Источник: И.Г. Айвазов. Для клира и народа. – С.-Петербург: Тип. «Колокол», 1914г.

Вам может быть интересно:

1. Богословие обличительное (Тома I-IV) – архимандрит Иннокентий (Новгородов)
2. Selected Works and Letters – Exposition of the Christian Faith. – святитель Амвросий Медиоланский
3. The City of God – The City of God (Book XII) – блаженный Аврелий Августин
4. Памятники древнерусской церковно-учительной литературы. Выпуск 4. Славяно-русский пролог, Ч. 2. Январь-апрель – II. Слова и поучения – профессор Александр Иванович Пономарёв
5. Митрополиты в первые три века христианства – профессор Павел Васильевич Гидулянов
6. Московский митрополит Макарий (Булгаков): Историко-биографический очерк – Том III. Литовский период в жизни м. Макария (1868–1879 г.) – протоиерей Фёдор Титов
7. Охридский пролог – святитель Николай Сербский (Велимирович)
8. The Stromata – BOOK VII – пресвитер Климент Александрийский
9. Опыт православного догматического богословия. Том IV – Член 2. О Боге, Совершителе спасения людей или их Искупителе – святитель Сильвестр (Малеванский)
10. Пасхалистический трактат – [Часть третья] – преподобный Максим Исповедник

Поделиться ссылкой на выделенное

Нажмите правой клавишей мыши и выберите «Копировать ссылку»

Источник